13.12.2025 | 20:31
Սուրեն Պապիկյանն ու Աննա Վարդապետյանն այցելել են հյուսիսարևելյան սահմանագոտի
Իրանում հայտարարել են գեներալ Ղասեմի Սուլեյմանիի դեմ մահափորձի խափանման մասին
Քաղաքականություն
03.10.2019 | 21:28
Իրանում հայտարարել են ԻՀՊԿ «Ղուդս» ստորաբաժանման հրամանատար, գեներալ Ղասեմ Սուլեյմանիի դեմ մահափորձի խափանման մասին։ Հայտարարությունն արվել է հինգշաբթի՝ Արաքի Մարկազ նահանգի նահատակների ոգեկոչմանը նվիրված արարողության ժամանակ:
Mehr-ի փոխանցմամբ՝ ԻՀՊԿ հետախուզական ծառայության տնօրեն Խոջաթոլեսլամ Հոսեյն Թաեբը հայտարարել է, որ «հրեա-արաբական հետախուզական ծառայությունները մի քանի տարի մշակել են Սուլեյմանիի սպանության ծրագիրը, ինչպես նաեւ կրոնական պատերազմի սադրանքները»:
Նրա խոսքով՝ գեներալի վրա հարձակումը, որը պետք է տեղի ունենար Իրանի Քերման նահանգում, խափանվել է:
«Իսլամական հեղափոխության գերագույն առաջնորդ Այաթոլլահ Սեյեդ Ալի Խամենեիի իմաստուն ղեկավարությամբ գիտական գագաթները նվաճվել են, և Իրանն ուժով կանգնած է թշնամիների դեմ: Մենք առաջադիմում են տարբեր պաշտպանական ոլորտներում այնպես, որ ԻՀՊԿ-ն հասնի իր ինքնավերականգնման փուլին։ Այսօր մենք դարձել ենք հզոր և անպարտելի, երկրի դեմ կիրառված թշնամու բոլոր տարբերակները թուլացել են ուչեն կարող մեզ դիմակայել, և այս իրականությունն այսօր ապացուցված ու տեսանելի է»,- ասել է Թաեբը։
Նելլի Մելքոնյան
