15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Իրաքի մայրաքաղաքում Թուրքիայի դեսպանատան հարևանությամբ պայթյուն է որոտացել
Քաղաքականություն
03.10.2019 | 16:54
Իրաքի մայրաքաղաք Բաղդադում՝ Թուրքիայի դեսպանատան հարևանությամբ, 2 հրթիռ է ընկել։ ԴԵսպանատունը գտնվում է Բաղդադի՝ «Կանաչ գոտի» կոչվող հատուկ պահպանվող շրջանում, որտեղ տեղակայված են նաև այլ երկրների դիվանագիտական ներկայացուցչություններ. գրում է ermenihaber-ը:
«Կանաչ գոտում» անվտանգության միջոցառումները խստացվել են, Բաղդադում պետական կառույցների աշխատանքը մեկ օրով դադարեցվել է։
Վերջին օրերին գործազրկության և անօրինականությունների դեմ ընթացող զանգվածային ցույցերի պատճառով Բաղդադում փողոց դուրս գալու արգելք է սահմանվել: Ցույցերի ընթացքում անվտանգության ուժերի հետ բախումների պատճառով 7 մարդ է զոհվել, ավելի քան 400-ը՝ վիրավորվել։
Թուրքիայի արտաքին գործերի նախարարությունը հայտարարություն է տարածել՝ իր քաղաքացիներին կոչ անելով ցույցերի ընթացքում զերծ մնալ այդ վայրեր այցելելուց։
