23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Վիրավորական բան կա՞, երբ ասում եմ` ձեր մամային ճանաչում եմ, պապային` ոչ». Նիկոլայ Բաղդասարյանը՝ Անդրանիկ Քոչարյանի ձևակերպումների մասին. ՏԵՍԱՆՅՈՒԹ
03.10.2019 | 11:35
Անդրանիկ Քոչարյանի ասածի կոնտեքստը, ամբողջ իմաստը ես այնպես եմ ընկալել, որտեղ վիրավորական որևէ արտահայտություն չկա: Այսօր Ազգային ժողովում լրագրողների հետ զրույցում ասաց «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով խմբակցության մեկ այլ պատգամավոր Անդրանիկ Քոչարյանի՝ արդարադատության նախկին նախարար Արփինե Հովհաննիսյանի մասին խոսելիս արած արտահայտությանը, որը մեծ աղմուկ է բարձրացրել:
Քոչարյանը, հիշեցնենք, լրատվամիջոցներից մեկին տված հարցազրույցում անդրադառնալով միջոցների հայտարարագրման վերաբերյալ Հովհաննիսյանի կարծիքին՝ ասել էր. «Արփինե Հովհաննիսյանը պետք է խոսի փաստերով, իսկ պայմանական կարող է տալ իր մայրիկի և անհայտ հայրիկի անունները»:
«Հիմա ի՞նչ վիրավորական բան կա, եթե լրագրողներից մեկին ասեմ՝ ես ձեր մամային ճանաչում եմ, բայց պապային չեմ ճանաչում: Էդտեղ վիրավորական բան կա՞… Նայած՝ ինչ կոնտեքստում եք ուզում ներկայացնել: Ցավոք, եթե կոնտեքստից ինչ-որ մի բառ հանեք, կարող է վիրավորական տեսք ունենալ»,- ասաց Բաղդասարյանը:
Պատգամավորն ասաց՝ երկար տարիներ ճանաչում է Անդրանիկ Քոչարյանին, և չի կարծում, որ նա կարող էր ինչ-որ մեկին վիրավորել:
Մանրամասները՝ տեսանյութում:
