23.07.2026 | 18:28
Վահան Կոստանյանը Փարիզում քննարկել է Հայաստանի համար եվրոպական շուկայի հասանելիության ընդլայնումը
Երևանում մեքենաներ են հրկիզել, որոնցից մեկը պատկանում է քննիչի
Հասարակություն
02.10.2019 | 23:00
Երևանում արտակարգ դեպք է տեղի ունեցել: Այսօր՝ հոկտեմբերի 2-ին ժամը 01։00-ի սահմաններում անհայտ անձը կամ անձինք, դեռևս չպարզված հանգամանքներում, հրկիզել են Աջափնյակ վարչական շրջանի Հալաբյան 22Բ շենքի բակում կայանված Հայկ Ե.-ին պատկանող Volkswagen Golf մակնիշի 34 ZC 503 համարանիշի ավտոմեքենան, ինչպես նաև նշված շենքից մոտ 50 մետր հեռավորության վրա գտնվող Մարգարյան 8 շենքի բակում կայանված Մհեր Ե.-ի վարած Hyundai Sonata մակնիշի 77 NՍ 772 համարանիշի ավտոմեքենան: Այս մասին գրում է shamshyan.com-ը:
Աղբյուրի տեղեկություններով՝ Hyundai Sonata-ի վարորդ Մհեր Ե.-ն աշխատում է ՀՀ Քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանների քննչական բաժնում՝ որպես ավագ քննիչ:
Փաստի առիթով Ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում, պարզվում է նաև վնասի չափը:
