19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Մինչև տարեվերջ կունենանք վերջնական պատկերացում. Մհեր Գրիգորյանը՝ գազի գնի փոփոխության մասին. ՏԵՍԱՆՅՈՒԹ
Տնտեսություն
02.10.2019 | 19:01
Ազգային ժողովում այսօր Կառավարության հետ հարցուպատասխանի ժամանակ «Բարգավաճ Հայաստան» խմբակցության պատգամավոր Սերգեյ Բագրատյանը հետաքրքրվեց՝ ի՞նչ խնդիրներ ունենք գազի սակագնի հետ կապված:
«Դա ստրատեգիական նշանակություն ունեցող խնդիր է, և ես չէի ցանկանա՝ պատասխանվեր մեկ բառով, որ բանակցություններն ընթանում են: Ինձ հետաքրքրում են սկզբունքները, այլընտրանքները և առնվազն սոցիալական համերաշխության սակագնի հետ կապված ինչ հնարավոր ռիսկեր ենք տեսնում»,- հարցրեց պատգամավորը:
Ի պատասխան՝ փոխվարչապետ Մհեր Գրիգորյանը նշեց, որ մինչև տարեվերջ գազի սակագնի հետ կապված վերջնական պատկերացում կունենանք:
«Գիտեք, որ հարցը բավական բարդ է այն իմաստով, որ պարունակում է բազմաթիվ բաղադրիչներ, որոնք չեն կարող չքննարկվել բանակցությունների ընթացքում: Ընդ որում՝ յուրաքանչյուր բաղադրիչի քննարկումը բավականին ժամանակ է տանում: Իհարկե՝ բոլորիս ցանկությունն է մեկ օր շուտ հասկանալ սակագնի վերջնական կառուցվածքը, բայց հավատացնում եմ, որ պրոցեսը մենք չենք դանդաղեցնում: Ուղղակի ուզում ենք ֆունդամենտալ լուծումների գանք»,- պարզաբանեց փոխվարչապետը:
Մանրամասները՝ տեսանյութում:
