18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Մենք երաշխիք չունենք, որ ՍԴ-ն կողմ կքվեարկի մեր նախաձեռնությանը. Սուրեն Գրիգորյան. ՏԵՍԱՆՅՈՒԹ
Քաղաքականություն
01.10.2019 | 14:53
«Իմ քայլը» խմբակցության անդամ Սուրեն Գրիգորյանը տեղեկացնում է, որ խմբակցությունը նախաձեռնել է ոչ թե Հրայր Թովմասյանի պաշտոնանկության գործընթաց, այլ՝ ՍԴ դատավորի լիազորությունների դադարեցման գործընթաց։
«Խորհրդարանը պաշտոնանկության լիազորություն չունի»,- ասում է պարոն Գրիգորյանը։
Անդրադառնալով այն մեկնաբանություններին, որ փաստաթղթում Հրայր Թովմասյանը նշված է ոչ թե ՍԴ անդամ, ինչպես պնդում է ՍԴ դատավոր Վահե Գրիգորյանը, այլ հենց ՍԴ դատավոր, որի պատճառով լեգիտիմացվում է Հրայր Թովմասյանի դատավոր լինելու հանգամանքը, պարոն Գրիգորյանը նկատեց․ «Դիմումում հստակ այդ հանգամանքը, որպեսզի շահարկումների տեղիք չտանք, ասված է, որ այս փաստաթղթով ԱԺ-ն դիրքորոշում չի տալիս այդ եզրույթների վերաբերյալ»։
Հայտնի է, որ խորհրդարանում քվեարկվելուց հետո փաստաթուղթը պետք է գնա ՍԴ, որտեղ արդեն ՍԴ 6 անդամ պետք է որոշում կայացնի՝ արդյոք կո՞ղմ է, որ Հրայր Թովմասյանը դադարի լինել ՍԴ անդամ։ Արդյոք «Իմ քայլը» երաշխիքներ ունի՞, որ նախկին իշխանությունների նշանակած ՍԴ 6 անդամները կողմ կքվեարկեն։
«Մենք նման երաշխիք չունենք ու չենք էլ կարող ունենալ։ Մենք դիմում ենք ՍԴ, հույս ունեմ, որ ՍԴ այլ դատավորների և անդամների կողմից անաչառ այս հարցը կքննվի»,- ասում է Սուրեն Գրիգորյանը։
Իսկ ի՞նչ քայլեր են հաջորդելու, եթե ՍԴ անդամները կողմ չքվեարկեն, պարոն Գրիգորյանն առաջարկում է առաջ չընկնել։ «Որոշումը մենք կստանանք, կձեռնարկենք մեր գործողությունները»,- թեման փակում է Սուրեն Գրիգորյանը։
Մանրամասները՝ տեսանյութում:
