17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
«Գոլդեն Փելիս»-ը մինչև Նոր տարի կվաճառվի կամ կհանձնվի կառավարման. Նարեկ Բաբայան. ՏԵՍԱՆՅՈՒԹ
Տեսանյութեր
01.10.2019 | 10:40
Մտադրություն կա Ծաղկաձորի «Գոլդեն Փելես» հյուրանոցը, որը Կառավարությունը որպես նվիրատվություն է ընդունել, կարճ ժամանակում կա՛մ լավագույն առաջարկով հանձնել հավատարմագրային կառավարման, կա՛մ վաճառել: Այս մասին այսօր ԱԺ-ում ասաց Պետական գույքի կառավարման կոմիտեի նախագահ Նարեկ Բաբայանը՝ պատասխանելով «Իմ քայլը» խմբակցության պատգամավոր Թագուհի Թովմասյանի հարցին:
«Առայժմ թեև որոշումը կայացվել է, դեռևս հանձնման և ընդունման աշխատանքները չեն ավարտվել: Ընդունելուց հետո լավագույն առաջարկով այն պետք է տրվի կա՛մ հավատարմագրային կառավարման, որպեսզի համապատասխան օպերատորն աշխատեցնի որպես հյուրանոց, կա՛մ այն հանվելու է աճուրդի»,- ասաց Բաբայանը:
Նա վստահեցրեց՝ հենց այնպես չեն պահելու այդ կառույցը: Բաբայանը հույս հայտնեց, որ դա կլինի մինչև Նոր տարի:
Հիշեցնենք, որ Մաքսային ծառայության նախկին ղեկավար Արմեն Ավետիսյանի ընտանիքի անդամները, հարուցված քրեական գործի շրջանակում, 2018 թվականի նոյեմբերի 19-ին «Գոլդեն Փելես» հյուրանոցը պետությանը նվիրաբերելու դիմում էին ներկայացրել Պետական գույքի կառավարման կոմիտե:
Մանրամասները՝ տեսանյութում:
Նարեկ Կիրակոսյան
