17.11.2024 | 11:44
Եթե ՀՀ-ն չի ցանկանում մասնակցել COP29-ին, ուրեմն որոշակի խնդիրներ ունի «կանաչ օրակարգի» հետ․ Հաջիև
«Ունենալու ենք մեր սեփական արտադրության ռազմական ինքնաթիռները». Էրդողան
Տնտեսություն
30.09.2019 | 16:07
Թուրքիան պատրաստվում է սեփական արտադրության ռազմական ինքնաթիռներ ունենալ: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ թուրքական «Ազգային նավ» նախագծի շրջանակներում արտադրված «TCG Kınalıada» անունով հակասուզանավային կորվետի (ռազմանավ) շահագործման հանձնելու արարողության ժամանակ. գրում է ermenihaber-ը:
Էրդողանը նշել է, որ այս հարցում իրենց վճռականությունն ավելի է աճել այն բանից հետո, երբ ԱՄՆ-ն ռուսական S-400 ՀՕՊ համակարգերը գնելու պատճառով Թուրքիային դուրս թողեց F-35 կործանիչների համատեղ արտադրության ծրագրից:
«F-35 ինքնաթիռների շուրջ զարգացումներն ավելացրել են մեր վճռականությունն այդ ուղղությամբ: Ինչպես անօդաչու թռչող սարքերը, հարվածային անօդաչու թռչող սարքերն ու արբանյակներն ենք նախագծել ու օդ բարձրացրել, այնպես էլ հասնելու ենք մեր սեփական կործանիչի արտադրությանը»,- ասել է Թուրքիայի նախագահը:
Էրդողանն ավելացրել է նաև, որ իրենց թիրախը երկրի պաշտպանական արդյունաբերության՝ արտաքին աշխարհից ունեցած կախումը 2023-ին զրոյի հասցնելն է: Այդ տարեթվին լրանում է Թուրքիայի Հանրապետության հիմնադրման հարյուրամյակը:
