01.07.2026 | 12:58
Վահագն Ալեքսանյանի ճեպազրույցը՝ ՈւՂԻՂ
«Սորոսի գրասենյակի» դեմ ակցիաների հետևում Վլադիմիր Գասպարյանն ու Վիգեն Սարգսյանն են. Դանիել Իոաննիսյան. ՏԵՍԱՆՅՈՒԹ
Հասարակություն
30.09.2019 | 13:46
Հայաստանում տեղի են ունենում գործողություններ, որոնք բացարձակապես ձեռք չեն տալիս նախկին կոռումպացված իշխանությունների ներկայացուցիչներին: Այս մասին Factor.am-ի հետ զրույցում ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը «Բաց Հասարակության հիմնադրամներ-Հայաստան»-ի գրասենյակի մոտ իրավապաշտպանների կազմակերպած ակցիայի ժամանակ:
«Տեսնում ենք, որ օր օրի նոր քրգործեր են հարուցվում՝ նախկին ոստիկանապետերի, պաշտպանության նախարարների ներգրավվածությամբ: Սերժ Սարգսյանի իշխանության վերջին ոստիկանապետի և պաշտպանության նախարարի ու այստեղ ցույցեր անող անձանց միջև կապը բոլորին հայտնի է: Հանրային կարծիքի մանիպուլացիայով փորձում են այս ամեն ինչը ներկայացնել դավադիր ուժերի դավադրություն: Այս գործողություններն ուղղված չեն հիմնադրամի կամ քաղհասարակության դեմ, սա ուղղված է ժողովրդավարական արժեքների և ժողովրդավարեցման գործընթացների դեմ»,- ասաց իրավապաշտպանը:
Դանիել Իոաննիսյանի խոսքով՝ այս խմբի ներկայացուցիրները դեմ են խոսում ԱԺ-ի կողմից նախկինների օրոք պետության զավթման արձանագրմանը, քանի որ հենց իրենք են եղել զավթիչները. «Պարզ է, որ դա իրենց ձեռք չի տալիս և պետք է դեմ խոսեն, որպեսզի խորհրդարանը չարձագանքի, որ պետությունը զավթված է եղել»:
Մանրամասները՝ տեսանյութում:
