02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Բարեփոխումների իրականացման գործում մեծ նշանակություն ունի ԱՄՀ-ի հետ հաստատված այդ փաստաթուղթը. Մհեր Գրիգորյան
Տնտեսություն
27.09.2019 | 19:43
Փոխվարչապետ Մհեր Գրիգորյանն ընդունել է Արժույթի միջազգային հիմնադրամի Մերձավոր Արևելքի և Կենտրոնական Ասիայի դեպարտամենտի փոխտնօրեն Աթանասիոս Արվանիտիսի գլխավորած պատվիրակությանը:
«Հանդիպման ընթացքում զրուցակիցներն անդրադարձել են «Տնտեսական և ֆինանսական քաղաքականությունների» հուշագրում նշված միջոցառումների կատարման ընթացքին: Երկուստեք կարևորվել են մասնավորապես կապիտալ շուկայի զարգացմանն ու հարկային վարչարարությանը վերաբերող բարեփոխումների իրականացումը: Փոխվարչապետը նշել է, որ բարեփոխումների իրականացման գործում մեծ նշանակություն ունի ԱՄՀ-ի հետ հաստատված այդ փաստաթուղթը:
Փոխվարչապետը շնորհակալություն է հայտնել ԱՄՀ-ին Հայաստանին տրամադրվող աջակցության համար՝ հույս հայտնելով, որ ԱՄՀ հետ համագործակցությունը կընդլայնվի Հայաստանի համար կենսական նշանակություն ունեցող ոլորտներում: Մհեր Գրիգորյանը ներկայացրել է հյուրերին ոլորտային ռազմավարությունների մշակման ընթացքը՝ ընդգծելով դրանց ներդաշնակեցման կարևորությունը»,- ասված է հաղորդագրությունում:
