14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Լեզուների եվրոպական օրվա միջոցառումը՝ Թումոյի այգում. ՏԵՍԱՆՅՈՒԹ
Հասարակություն
26.09.2019 | 18:15
Երևանի Թումոյի այգում նշվեց Լեզուների եվրոպական օրը, որի ընթացքում եվրոպական դեսպանատները և մշակութային կենտրոնները ցանկացողների համար կազմակերպել էին անվճար ներածական դասընթացներ՝ տարբեր լեզուներով։
ՀՀ-ում Ֆրանիսայի դեսպանատան մշակույթի և համագործակցության հարցերով խորհրդական Ալեքս Բորտոլան Factor.am-ի հետ զրույցում նշեց, որ միջոցառման նախաձեռնությունը Եվրոպայի խորհրդինը և Եվրոպական հանձնաժողովինն է։
«2001 թվականից ի վեր՝ սեպտեմբերի 26-ն ամբողջ աշխարհում նշվում է որպես Լեզուների եվրոպական օր, և մենք, 9 երկրի դեսպանությունների ու Եվրամիության պատվիրակության հետ որոշեցինք Երևանում այս միջոցառումը կազմակերպել։ Մեր նպատակը լեզուներ սովորելու ցանկությունը խթանելն է։ Միջոցառումը 3 մասից է կազմված․ ընթերցանություն՝ մասնակիցների նախընտրած լեզուներով, կարճ դասեր, որոնց ընթացքում նրանք լեզվի հիմնական արտահայտությունները կսովորեն, ինչպես նաև հարգանքի տուրք Հովհաննես Թումանյանին, որի 150-ամյակն այս տարի ենք նշում»,- ընդգծեց Ալեքս Բորտոլան։
Մանրամասներըը՝ տեսանյութում։
Նելլի Մելքոնյան
