03.04.2026 | 23:13
NASA-ն հրապարակել է Երկրի նոր լուսանկարը
«S-400-ների գործարքը ոչ մի կերպ չպիտի փչացնի թուրք-ամերիկյան հարաբերությունները». Էրդողան
Քաղաքականություն
26.09.2019 | 13:54
«S-400-ների գործարքը ոչ մի կերպ չպետք է փչացնի թուրք-ամերիկյան հարաբերությունները, քանի որ դրանք պաշտպանական համակարգեր են, որոնց կարիքը ունի Թուրքիան»,- հայտարարել է Թուրքիայի նախագահ Ռեջեփ Թայիփ Էրդողանը ամերիկյան «Fox News» հեռուստաալիքին տված հարցազրույցի ժամանակ. գրում է ermenihaber-ը:
Նա հիշեցրել է, որ Ռուսաստանից ժամանակին նման համակարգեր են գնել նաև Հունաստանը, Բուլղարիան ու Սլովակիան, որոնք ևս ՆԱՏՕ-ի անդամ երկրներ են:
Ամերիկացի լրագրողն Էրդողանից հետաքրքրվել է, թե ինչն է պատճառը, որ ԱՄՆ-ի հետ առևտրաշրջանառությունը մեծացնել ցանկացող Թուրքիան, անտեսելով Վաշինգտոնի՝ պատժամիջոցներ կիրառելու սպառնալիքները, գնեց S-400-ները և արդյունքում դուրս մնաց ամերիկյան F-35 կործանիչների ծրագրից:
«Ուզում եմ հստակ ասել, որ S-400-ների հետ կապված ԱՄՆ-ի դիրքորոշումը երբեք որպես սպառնալիք չեմ դիտարկել: Ինչու՞: Որովհետև պրն Օբամայի օրոք ցանկանում էինք «Patriot» համակարգեր գնել, բայց մեզ մերժեցին՝ ասելով կոնգրեսը թույլ չի տալիս: Ցավոք պրն Թրամփի օրոք էլ չկարողացանք գնել: Այդ պատճառով էլ ստիպված եղանք Ռուսաստանի հետ նման գործարքի գնալ»,- ասել է Էրդողանը:
