08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
«Խնդիր ունենք ՔՕ 226-րդ հոդվածի ընդլայնման հետ». Գայանե Աբրահամյան. ՏԵՍԱՆՅՈՒԹ
Քաղաքականություն
25.09.2019 | 15:19
Ատելության խոսքն այսօր աշխարհում մեծ խնդիր է, մարտահրավեր ժողովրդավարության դեմ։ Այսօր հայկական մեդիայում այն շատ լուրջ ու տարերային դրսևորումեր է ունենում, և այն կարգավորումներին, որոնք Եվրոպայի խորհուրդն է առաջարկում, առայժմ գնալու հնարավորություն, գուցե, չունենք, այն առումով, որ դատական համակարգը պատրաստ չէ, ինստիտուտների ամրապնդման խնդիր ունենք, որպեսզի այդ գործիքը տրամադրվի պետությանը։ Այս մասին այսօր «Ատելության խոսք. բավարա՞ր են ՔՕ մեխանիզմները» թեմայով քննարկման ընթացքում նշեց ԱԺ «Իմ քայլը» խմբակցության պատգամավոր Գայանե Աբրահամյանը։
«Եթե ՔՕ 226-րդ հոդվածը սահմանում է ռասիստական կամ կրոնական հիմքերի վրա իրականացրած ատելության խոսքը, այստեղ պետք է ավելացնենք նաև քաղաքական հայացքների ու սոցիալական տարբեր հիմքերը։ Այստեղ օրենքի ընդլայման հետ խնդիր ունենք։ Գուցե անհրաժեշտություն լինի այս հոդվածն արագ փոխելու հնարավորություն ստեղծել։ Այս ուղղությամբ ես աշխատում եմ»,- նշեց պատգամավորը։
Նրա խոսքով՝ ուղղակի գռեհիկ խոսքը և վիրավորանքը որևէ կերպ որպես ատելության խոսք չի մեկնաբանվում, եթե դրա կանխակալությունը, հետևողականությունը հստակ չի փաստարկվում։
«Միջազգային պրակտիկայում արդեն իսկ այլ միտումներ են կիրառվում։ Այն, որ եթե անգամ սոցիալական ցանցերում դրանք չեն դիտարկվում որպես ատելության խոսք, բայց տարածվում են և վերարտադրվում ավանդական մեդիաների միջոցով, այս դեպքում ավանդական լրատվամիջոցները որոշակի պատասխանատվություն և պարտավորություն են կրում դրանք տիրաժավորելու համար, նույնիսկ եթե իրավական ու դատական առումով որպես ատելության խոսք չեն որակվում»,- եզրափակեց պատգամավորը։
Մանրամասները՝ տեսանյութում։
Նելլի Մելքոնյան
