Քաղաքացիներին պարտադրել են «Խութ» բարեգործական հիմնադրամին գումարներ փոխանցել. հարուցվել է քրգործ

Լուրեր

01.04.2025 | 23:14
Ապրիլ ամսվա եղանակի կանխատեսումը և կլիմայական բնութագիրը
01.04.2025 | 22:59
Արդարադատության նախարարն ու ՀՀ-ում ԱՄՆ դեսպանը քննարկել են երկկողմ օրակարգին վերաբերող հարցեր
01.04.2025 | 22:45
Գյումրիում 2-ից 5 տեղը պրոկրեմլյան ուժերը գրավեցին՝ շուրջ 25 000 ձայնով․ իշխանությունը իր մեղքի բաժինն ունի․ Էդգար Վարդանյան. ՏԵՍԱՆՅՈՒԹ
01.04.2025 | 22:29
Հուսամ՝ բանտում իմ մահը կօգնի ճնշում գործադրել Ալիևի հանցավոր ռեժիմի վրա․ ադրբեջանցի ընդդիմադիր գործիչը հացադուլ է հայտարարել
01.04.2025 | 22:16
Հայաստան է ժամանել Վիետնամի ԱԺ նախագահը
01.04.2025 | 22:06
ՀՀ ՄԻՊ-ը խիստ մտահոգված է վերջին օրերի խտրական, այդ թվում՝ կանանց թիրախավորող խոսույթով
01.04.2025 | 21:48
Վթար՝ հրդեհի բռնկմամբ․ վարորդը հոսպիտալացվել է
01.04.2025 | 21:35
Հայաստանի մի շարք հասցեներում էլեկտրաէներգիայի անջատումներ կլինեն
01.04.2025 | 21:21
PKK-ի որոշ խմբեր դիմադրում են զինաթափման և լուծարման Օջալանի կոչին. Hurriyet
01.04.2025 | 21:07
Բաքվում Ռուբեն Վարդանյանի շինծու գործով դատական նիստին «տուժողներ» են ցուցմունք տվել
01.04.2025 | 21:00
Ադրբեջանը լարում է իրավիճակը․ եթե Իրանին հարվածներ հասցվեն, ինքը ՀՀ-ի դեմ ռազմական ագրեսիայի գնա․ Արման Մելիքյան. ՏԵՍԱՆՅՈՒԹ
01.04.2025 | 20:46
Ալիևի օգնականը Իրանի նախագահի խորհրդականի հետ տարածաշրջանային հարցեր է քննարկել
01.04.2025 | 20:33
Արյունալի անցյալը և լուռ սպասումը. ինչ ելք է սպասվում Գյումրիում. ՏԵՍԱՆՅՈՒԹ
01.04.2025 | 20:23
Վարդան Ղուկասյանին վերագրվող հայհոյախառն ձայնագրության առնչությամբ քրեական վարույթ է նախաձեռնվել
01.04.2025 | 20:15
Չնայած Թրամփի վերջնագրերին՝ Իրանի հետ մեծ պատերազմը քիչ հավանական է․ Հայկ Քոչարյան․ ՏԵՍԱՆՅՈՒԹ
Բոլորը

ՀՀ գլխավոր դատախազությունից տեղեկացնում  են, որ ՀՀ ոստիկանության ԿՀԴՊ գլխավոր վարչությունում ստացված օպերատիվ տվյալների հիման վրա նախապատրաստված նյութերով պարզվել է, որ 2013-2014թթ. ընթացքում Երևան քաղաքի Ավան վարչական շրջանի առանձին պաշտոնատար անձինք անձնական շահագրգռվածությունից և խմբային շահերից ելնելով, ծառայողական դիրքը ծառայության շահերին հակառակ օգտագործելով, ձեռնարկել են առերևույթ ապօրինի ներգործության միջոցներ՝ վարչական շրջանում գործող <<Խութ>> բարեգործական հիմնադրամին քաղաքացիների կողմից գումարներ տրամադրելու ուղղությամբ:

 

«Մասնավորապես՝ նշված տարիներին Ավան վարչական շրջանի քաղաքաշինության և հողոգտագործման բաժնի պետի պաշտոնը զբաղեցրած անձը նույն վարչական շրջանում անհատական տների շինարարության իրականացման թույլտվություն տրամադրելու համար, բացի նոր շինարարության տրամադրման պետական տուրքի վճարումից, քաղաքացիներին պարտադրել է գումարներ փոխանցել նաև նշված բարեգործական հիմնադրամի հաշվեհամարին և ներկայացնել փոխանցումը հավաստող անդորրագիրը: Հակառակ դեպքում  նա սպառնացել է չտրամադրել  շինարարության իրականացման թույլտվություն:

 

Այդ կերպ 2013թ. Երևան քաղաքի Ծարավ Աղբյուր փողոցում անհատական 2 տների շինարարության իրականացման թույլտվություն տրամադրելու համար քաղաքացիներից մեկին պարտադրվել է «Խութ» բարեգործական հիմնադրամի հաշվեհամարին փոխանցել շուրջ 600.000, մյուսին՝ 50 հազար ՀՀ դրամ: Մեկ այլ դեպքում 2013-2014թ-ի ընթացքում Երևան քաղաքի Ավան 6-րդ փողոցի տներից մեկին հարակից ապօրինի շինությունը օրինականացնելու և նոր շինանարարության կատարման թույտվություն տալու համար քաղաքացուն պարտադրվել է բարեգործական հիմնադրամի հաշվեհամարին փոխանցել 1.500.000 ՀՀ դրամ:

 

Արդյունքում տվյալ պաշտոնատար անձի կողմից իր պաշտոնեական լիազորությունները չարաշահելու հետևանքով քաղաքացիներին պատճառվել է գույքային էական վնաս, ինչպես նաև այդ գործողությունների հետևանքով հեղինակազրկվել է պետության բարի համբավը:

 

Նկատի ունենալով, որ նախապատրաստված նյութերում առերևույթ առկա է պաշտոնատար անձի կողմից պաշտոնեական լիազորությունները չարաշահելու հանցագործության հատկանիշներ՝ Ոստիկանության ԿՀԴՊ ԳՎ ԿՎ բաժնում հարուցվել է քրեական գործ՝ ՀՀ քրեական օրենսգրքի 308-րդ հոդվածի 1-ին մասի հատկանիշներով:

 

Նախաքննություն իրականացնելու համար քրեական գործն ուղարկվել է ՀՀ քննչական կոմիտե: Նախաքննության ընթացքում ողջ ծավալով քննության առարկա կդառնա նշված բարեգործական հիմնադրամին նման եղանակով նաև այլ դրամական փոխանցումներ կատարված լինելու հավանականությունը, Ավան վարչական շրջանի ինչպես տվյալ, այնպես էլ այլ պաշտոնատար անձանց նմանատիպ հնարավոր գործողություններից այլ տուժողների առկայությունը, որի հիման վրա կտրվեն համապատասխան իրավական գնահատականներ»,- ասված է հաղորդագրությունում: