06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Ավտովթար՝ Ռոստովյան փողոցում․ 3 հոգի տեղափոխվել է հիվանդանոց
22.09.2019 | 19:25
ՀՀ արտակարգ իրավիճակների նախարարության «911» ծառայությունը սեպտեմբերի 21-ին, ժամը 15:52-ին ահազանգ է ստացել, որ Երևան քաղաքի «վստրեչի» կամրջից դեպի Դավիթ Բեկի փողոց տանող հատվածում տեղի է ունեցել ՃՏՊ. բախվել են մոտոցիկլն ու ավտոմեքենան, առկա է վառելիքի արտահոսք, կա տուժած: Անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության Երևանի փրկարարական վարչության հրշեջ-փրկարարական ջոկատի մեկ մարտական հաշվարկ:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, պարզվել է, որ Ռոստովյան փողոցի թիվ 15 շենքի մոտակայքում բախվել են «Opel Astra G» (վարորդ՝ Գևորգ Մ.), «Mitsubishi iO» (վարորդ` Սևակ Բ.), «BMW X5» (վարորդ` Հրանուշ Հ.) մակնիշների ավտոմեքենաները և մոպեդը (վարորդ Տարոն Մ.):
Հրանուշ Հ.-ին շտապօգնության աշխատակիցները տեղում ցուցաբերել են համապատասխան բուժօգնություն, իսկ Գևորգ Մ.-ն, Սևակ Բ.-ն և Տարոն Մ.-ն հոսպիտալացվել են «Էրեբունի» բժշկական կենտրոն, որտեղ ստանալով համապատասխան բուժօգնություն, դուրս են գրվել:
Փրկարարները հոսանքազրկել են «Opel Astra G» մակնիշի ավտոմեքենան:
