10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
ԱԺ կանոնակարգն ուշադիր կարդացե՛ք, որ անպատեհ հարցեր չտաք․ Նիկոլ Փաշինյանը՝ Արմեն Աշոտյանին
Քաղաքականություն
27.09.2017 | 15:44
Ազգային ժողովի արտաքին հարաբերությունների հանձնաժողովի նիստում քննարկվում է ԱԺ ընդդիմադիր «Ելք» խմբակցության՝ Ազգային ժողովի ժամանակավոր հանձնաժողով ստեղծելու առաջարկը: Ընդդիմադիր դաշինքն առաջարկում է հանձնաժողովը ստեղծել, որն էլ կքննարկի Եվրասիական տնտեսական միությանը Հայաստանի անդամակցության օգուտները և վնասները:
Արտաքին հարաբերությունների մշտական հանձնաժողովի նախագահ Արմեն Աշոտյանը ԱԺ «Ելք» խմբակցության ղեկավար, հարցի հիմնական զեկուցող Նիկոլ Փաշինյանին խնդրեց բացատրել, թե ինչով ընդդիմադիր խմբակցությանը չի բավարարում իր ղեկավարած հանձնաժողովը, որ ժամանակավոր հանձնաժողով ստեղծելու անհրաժեշտություն են տեսնում: «Ինչո՞վ ձեր խմբակցությանը չի բավարում մշտական հանձնաժողովի ձևաչափը, կարծում եք ի՞նչ լիազորություն ունի ժամանակավոր հանձնաժողովը, որ չունի մշտական հանձնաժողովը»,- հետաքրքրվեց Աշոտյանը:
Փաշինյանն արձագանեց. «Օրինակ, Ազգային ժողովի մշտական հանձնաժողովը հարցը քննարկում է մեկ-երկու ժամ, ժամանակավոր հանձնաժողովը՝ կզբաղվի բացառապես էդ հարցով, ունի երկամսյա ժամկետ, անհրաժեշտության դեպքում կարող է այդ ժամեկտն ավելացնել, կարող է հրավիրել Սերժ Սարգսյանին և պարզաբանումներ պահանջել սեպտեմբերի 3-ի գիշերվա մասին: Կարդացե՛ք ԱԺ կանոնակարգն ուշադիր, որ անպատեհ հարցեր չտաք»:
Մանրամասները՝ տեսանյութում:
Շողիկ Գալստյան
