06.10.2026 | 10:32
ՀՀ տարածքում ավտոճանապարհներն անցանելի են
«Անկախության օրվա համար 220 մլն դրամ է ծախսվել, մրցույթ չի հայտարարվել». Էդուարդ Աղաջանյան. ՏԵՍԱՆՅՈՒԹ
Տնտեսություն
18.09.2019 | 13:59
Հայաստանի Անկախության տոնի առիթով այս տարի միջոցառումների կազմակերպման համար մրցույթ չի անցկացվել: Այսօր լրագրողների հետ հանդիպմանը ՀՀ վարչապետի աշխատակազմի ղեկավար Էդուարդ Աղաջանյանն ասաց՝ Կառավարությունը որոշում է կայացրել Հայաստանի անկախության տարեդարձին նվիրված միջոցառումների կազմակերպման գործընթացն իրականացնել «Գնումների մասին» ՀՀ օրեսդրությամբ նախատեսված՝ մեկ անձից գնում կատարելու ընթացակարգով:
«Անկախության 28-րդ տարեդարձին նվիրված տոնական միջոցառումների կազմակերպման ընթացքում վարչապետի աշխատակազմը բախվել է բազմաթիվ խնդիրների: Եթե միջոցառումը կազմակերպվեր մրցութային ընթացակարգով, ապա մենք կկորցնեինք դրա կառավարման օղակները, այսինքն՝ վերահսկելի չէին լինի միջոցառման թե՛ տեխնիկական, թե՛ բովանդակային հատվածը»,- ասաց նա:
Աղաջանյանը նաև պարզաբանեց, որ մրցույթ հայտարարելու դեպքում հնարավոր չէր լինի միջոցառումների կազմակերպման գործում ներգրավել մեծ թվով տնտեսվարող սուբյեկտների, այլ հաղթող կճանաչվեր մեկ կամ մի քանի տնտեսվարող. «Այս մի քանի ամիսների ընթացքում աշխատանքային խումբը վարել է մի շարք բանակցություններ, որոնց արդյունքում ընտրվել են 75 մեծ, փոքր և միջին բիզնեսի ներկայացուցիչ հանդիսացող տնտեսավարող սուբյեկտներ»:
Հավելենք, որ Հայաստանի Անկախության 28-ամյակի միջոցառումների նախապատրաստական աշխատանքների համար այս տարի 220 մլն դրամ է ծախսվել:
Մանրամասները՝ տեսանյութում:
