17.09.2026 | 23:38
Սամվել Կարապետյանի տնային կալանքը երկարաձգվել է
«Միհրան Պողոսյանը քաղաքական ապաստա՞ն է ստացել, ես նման տեղեկություն չունեմ». ՌԴ դեսպան
Քաղաքականություն
11.09.2019 | 16:52
«Պետք է սպասել»,- այսօր լրագրողների հետ զրույցում պատասխանելով Հայաստան Վլադիմիր Պուտինի այցի մասին հարցին՝ ասաց ՀՀ-ում ՌԴ դեսպան Սերգեյ Կոպիրկինը:
«Իսկ դուք այլ տեղեկություն ունե՞ք: Ես այլ տեղեկություն չունեմ: Մենք ելնում ենք այն հանգամանքից, որ հոկտեմբերի 1-ին Երևանում պետք է տեղի ունենա Եվրասիական տնտեսական խորհրդի բարձրագույն նիստը»,- ասաց դեսպանը:
Հարցին էլ՝ ՌԴ-ում գտնվող Վահագն Հարությունյանին և Միհրան Պողոսյանին քաղաքական ապաստա՞ն են ստացել, Սերգեյ Կոպիրկինը պատասխանեց, որ եթե անձը գտնվում է ՌԴ-ում, դա դեռևս չի նշանակում, որ նա քաղաքական ապաստան է ստացել:
«Ինչ է՝ Միհրան Պողոսյանը քաղաքական ապաստա՞ն է ստացել: Ես նման տեղեկություն չունեմ: Իմ տեղեկություններով՝ խոսքն անհրաժեշտ փաստաթղթերի տրամադրման իրավական ընթացակարգի մասին է»,- ասաց Կոպիրկինը:
Ինչ վերաբերում է Վահագն Հարությունյանին, դեսպանն առաջարկեց այդ հարցով դիմել պատկան մարմիններին՝ հավելելով. «Ես որևէ միտում չեմ տեսնում»:
Դիտարկմանը՝ արդյո՞ք նրանց Հայաստանին չարտահանձնելը կարելի է ՀՀ նոր իշխանություններին ուղղված մեսիջ համարել, դեսպանն արձագանքեց. «Որևէ մեսիջ այստեղ չեմ տեսնում: ՀՀ նոր իշխանություններին ուղղված մեսիջը միանգամայն հստակ է. մենք ռազմավարական գործընկերներ ենք, դաշնակիցներ, եղբայրական երկրներ և եղբայրական ժողովուրդներ: Այդ առնչությամբ ՌԴ դիրքորոշումը որևէ կերպ չի փոխվել: Որքան ես եմ հասկանում՝ դա համապատասխանում է ՀՀ կառավարության դիրքորոշմանը»:
