04.02.2026 | 14:33
Նգոլո Կանտեն նոր ակումբ ունի
«Հարավկովկասյան երկաթուղու» բեռնատար գնացքը հարվածել է մի քանի տասնյակ ոչխարի
09.09.2019 | 13:34
«Հարավկովկասյան երկաթուղի» ընկերության բեռնատար գնացքն այսօր առավոտյան հարվածել է երկաթգծերի վրա հայտնված մի քանի տասնկակ ոչխարի։ Դեպքը տեղի է ունեցել այս գիշեր։ Այս մասին Factor.am-ին հայտնեց «Հարավկովկասյան երկաթուղի» ընկերության մամուլի խոսնակ Ռուբեն Գրձելյանը։
«Դեպքը տեղի է ունեցել այս գիշեր․ Արարատի մարզում բեռնված գնացքը չի կարողացել արգելակել․ ըստ էության՝ այդ հատվածում արգելակելու հնարավորություն էլ չուներ։ Այս դեպքում քաղաքացիներին կոչ ենք անում լինել զգոն, պահպանել գնացքի գծերի վրա դուրս գալու կանոնները, օգտվել միայն սահմանված անցումային կետերից։ Նշեմ, որ մենք այդ անցումային կետերի ավելացման, դրանք վերազինելու ուղղությամբ աշխատանք ենք տանում ՏԻՄ-երի հետ, սակայն խնդիրը մնում է չլուծված»,- ասաց Գրձելյանը։
