17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
«Կա՞ դրույթ, որով ՀՀ որևէ վարչապետ չի կարողանա դատարաններն արգելափակել»․ Հայկ Ալումյան. ՏԵՍԱՆՅՈՒԹ
Հասարակություն
06.09.2019 | 18:06
Որևէ մեկին չանձնավորելով, ուզում եմ իմանալ՝ կա՞ արդյոք արդարադատության ոլորտի բարեփոխման ռազմավարությունների մեջ որևէ դրույթ, որով այսուհետ որևէ վարչապետ կամ այլ պաշտոնյա չկարողանա դատարանները փակել, երբ դատական ակտերը կամ դատավորներն իրենց դուր չեն գալիս։
Այս մասին այսօր ՝ «Հետհեղափոխական Հայաստան. Արդարադատության համակարգի վերափոխման խնդիրները» խորագրով հանրային քննարկման ընթացքում ասաց փաստաբան Հայկ Ալումյանը։
Արձագանքելով փաստաբանի հարցին, Արդարադատության նախարարության ռազմավարական պլանավորման և էլեկտրոնային արդարադատության վարչության պետ Գոհար Հակոբյանը նշեց․ «Մեր նպատակն է ձևավորել այնպիսի դատական համակարգ, որը վայելում է հանրային վստահություն և որի ընդունած որոշումների դեմ հանրությունը ոչ թե գնալու է դատարանները շրջափակելու և ասելու, որ բարձր անվստահության մակարդակ կա, այլ պետք է հասնենք այնպիսի դատական համակարգի, որի նկատմամբ եթե միջամտության կասկած անգամ լինի, հանրությունը գնա և պաշտպանի դատական համակարգը։ Վստահության հարց է․ որևէ ուրիշ մեխանիզմով հնարավոր չէ դրան հասնել։ Դատական իշխանությունն իր բարեխիղճ գործունեության արդյունքում պետք է հասնի այդ վստահությանը, վաստակի այն»։
Մանրամասները՝ տեսանյութում։
Նելլի Մելքոնյան
