Տնտեսություն
05.09.2019 | 13:13Պետական եկամուտների կոմիտեի նախագահ Դավիթ Անանյանը ծիծաղելի է համարում «Ձյունիկ սառնարան» և «Վեգա» ընկերություններում հրդեհների դիտավորության մասին շրջանառվող վարկածը:
Այսօր Կառավարության նիստից հետո լրագրողների հետ ճեպազրույցում Անանյանը հայտարարեց՝ իրենք տեղեկատվություն չունեն, որ այդ տնտեսվարողները ռիսկային խմբում էին: «Ռիսկային գնահատված կազմակերպությունների ցանկը 900 է, որոնց ես բառացի չեմ հիշում»,- ասաց Դավիթ Անանյանը:
Դիտարկմանը, որ, գուցե, հրդեհից հետո ճշտել է, ՊԵԿ նախագահը պատասխանեց. «Դա ծիծաղելի վարկած է: Չգիտեմ, մարդիկ երևի պարապ են, մտածում են՝ այդպիսի վարկածներով հանրությանը զվարճացնեն»:
Մանրամասները՝ տեսանյութում:
Նարեկ Կիրակոսյան
