23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ֆինանսների նախարարությունը դեմ է մարզերում երկրորդային շուկայից բնակարան գնելու պարագայում եկամտահարկի վերադարձին․ ՏԵՍԱՆՅՈՒԹ
Տնտեսություն
04.09.2019 | 12:33
Ազգային ժողովի «Լուսավոր Հայաստան» խմբակցությունն առաջարկում է մարզերում երկրորդային շուկայից բնակարան գնելու պարագայում վերադարձնել եկամտահարկը։ Համապատասխան օրենսդրական նախաձեռնությունը քննարկվեց այսօր՝ ԱԺ տնտեսական հանձնաժողովում։ Նախագծի վերաբերյալ առարկություններ է ներկայացրել ՀՀ ֆինանսների նախարարությունը։
Ըստ փոխնախարար Արման Պողոսյանի՝ եթե երկրորդային շուկայից բնակարան գնելու պարագայում էլ եկամտահարկը վերադարձվի, ապա դա կնվազեցնի առաջնային շուկայում բնակարանների վաճառքի թիվը։
«Եթե ստեղծվում է բնակարան գնելու այլընտրանք, ապա կգտնվեն քաղաքացիներ, որոնք առաջնային շուկայից գնելու փոխարեն կգնեն երկրորդային շուկայից, և դրանով մենք ունենք ռիսկ․ մի կողմից կծանրաբեռնենք պետական բյուջեն, մյուս կողմից՝ կկորցնենք այն եկամուտները, որոնք ստանում ենք շինարարությունից»,- ասաց Պողոսյանը։
Փոխնախարարի խոսքով՝ մարզերում երկրորդային շուկայից բնակարան ձեռք բերելու համար Կառավարությունն առաջարկել է սուբսիդավորման ծրագրեր։
Նշենք, որ Կենտոնական բանկը ևս ԼՀԿ-ի ներկայացրած նախագծում ռիսկեր է տեսնում և դեմ է դրա ընդունմանը։
Հավելենք, որ ավելի ուշ ԱԺ տնտեսական հանձնաժողովը դեմ քվեարկեց օրենքի նախագծին։
Մանրամասները՝ տեսանյութում։
