14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
ՀՀ ԶՈՒ պատվիրակությունը մասնակցել է ՌԴ-ում կազմակերպված հատուկ զորավարժությանը
03.09.2019 | 20:32
ՀՀ ԶՈՒ պատվիրակությունը Ռուսաստանի Դաշնությունում մասնակցել է երկաթուղային զորքերի հատուկ զորավարժությանը։ Այս մասին հայտնում է ՀՀ պաշտպանության նախարարությունը։
«ՀՀ ԶՈՒ պատվիրակությունը` ռազմական հաղորդակցությունների բաժնի պետ, գնդապետ Արթուր Չատյանի գլխավորությամբ, մասնակցել է Կենտրոնական շրջանի նյութատեխնիկական ապահովման ուժերի հետ անցկացված երկաթուղային զորքերի հատուկ զորավարժությանը։ Այն տեղի է ունեցել օգոստոսի 27-ից 31-ը Մոսկվա և Սիզրան քաղաքներում»,– նշված է հաղորդագրության մեջ։
Այցի շրջանակում ՀՀ ԶՈՒ պատվիրակությունը հանդիպել է ՌԴ երկաթուղային զորքերի գլխավոր վարչության պետ, գեներալ-լեյտենանտ Օլեգ Կոսենկովի հետ։ Հանդիպման ժամանակ քննարկվել է ՀՀ և ՌԴ պաշտպանության նախարարությունների միջև ռազմական հաղորդակցության ոլորտում համագործակցության հեռանկարները:
