06.08.2026 | 22:17
Պետական պարտքի աճը Փաշինյանի օրոք. հնարքներ ԱԺ-ում և կապը Ամուլսարի հետ. Փա՞ստ թե փուստ
Ապօրինի ձկնորսության դեմ կպայքարեն, հավելյալ ջրառի կարիք էլ չի լինի. Գեղարքունիքի մարզպետ
Տնտեսություն
02.09.2019 | 17:45
Սևանա լճից այս տարվա ջրառը հնարավոր է չանցնի օրենքով ամրագրված քանակը. հնարավոր է այս տարի հավելյալ ջրառի կարիք չունենանք: Այս մասին այսօր հրավիրված մամուլի ասուլիսի ժամանակ ասաց Գեղարքունիքի մարզպետ Գնել Սանոսյանը:
«Միտումները հիմա տանում են նրան, որ մենք այս տարի կարիք չունենանք 170 մլն խորանարդ մետրից, այսինքն` օրենքով ամրագրված քանակից ավելի ջուր բաց թողնելու»,- ասաց մարզպետը:
Անդրադառնալով Սևանից ապօրինի կատարվող ձկնորսությանը՝ Սանոսյանը նշեց, որ Շրջակա միջավայրի նախարարությունը արդյունագործական ձկնորսություն թույլ տալու կարգ է մշակել:
«Դեռ 2005 թվականից ձկնորսությունն արգելված է, բայց փաստացի մենք ունենք ձկնորսություն: Եվ հիմա, հուրախություն մեզ, մշակվել է արդյունագործական ձկնորսություն թույլ տալու կարգ: Այդ կարգը մշակվել է Շրջակա միջավայրի նախարարությունում, և հիմա շրջանառվում է այլ գերատեսչություններում, որից հետո կգնա կառավարություն, հավանության կարժանանա և կսկսի գործել: Նախնական փորձելու ենք կիրառել պիլոտային 150 տոննա ձկան համար»,- նշեց նա:
Աղավնի Սուքիասյան
