06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Թուրքիան արձագանքել է Լիբանանի նախագահի հայտարարությանը
Քաղաքականություն
02.09.2019 | 15:28
Թուրքիայի արտաքին գործերի նախարարությունը պաշտոնապես արձագանքել է Լիբանանի նախագահ Միշել Նայիմ Աունի կողմից Twitter-ի էջում արված գրառմանը. գրում է ermenihaber-ը:
Լիբանանի նախագահը «Մեծ Լիբանանի Հանրապետության» հիմնադրման օրվա կապակցությամբ իր էջում գրել էր. «Առաջին աշխարհամարտի ավարտով, օսմանցիների պարտությամբ և ֆրանսիական մանդատով մեր պատմության մեջ նոր փուլ սկսվեց։ 1920թ ստեղծեցինք Մեծ Լիբանանի Հանրապետությունը և ձեռք բերեցինք անկախություն»։
Թուրքիայի արտգործնախարարությունը Լիբանանի նախագահի գրառումը որակել է որպես անպատասխանատու և օսմանյան ժամանակաշրջանի նկատմամբ կանխակալ, անհիմն հղումներով հայտարարություն, որում Օսմանյան պետությունը ներկայացվում է «ահաբեկչական պետություն»։
Գրավոր հայտարարության մեջ Թուրքիայի արտգործնախարարությունը նաև տեղ է հատկացրել իրենց կողմից շրջանառվող այն կեղծ քարոզչությունը, թե իբր Օսմանյան կայսրությունը տարածաշրջանում խաղաղություն, կայունություն և զարգացում է ապահովել, իսկ Օսմանյան պետության անկման հետևանքով տարարաշրջանը մատնվել է անկայանության։
