06.10.2026 | 21:30
Գերմանիայի ԱԳ նախարարը զգուշացրել է Վրաստանի, Մոլդովայի և Բալթյան երկրների համար Ռուսաստանի սպառնալիքի մասին
Ի՞նչ են արել «Աշտարակ կաթ»-ի առաքիչները խանութներից ստացված 2 միլիարդ դրամը. ՏԵՍԱՆՅՈՒԹ
Հասարակություն
29.08.2019 | 17:12
Խանութների սեփականատերերը Կառավարության դիմաց բողոքի ակցիա էին իրականացնում ընդդեմ «Աշտարակ կաթ» ընկերության: Բանն այն է, որ ընկերության նախկին սեփականատերերը և խանութների սեփականատերերն աշխատել են կանխիկ վճարումներով, այդ ամենն ամրագրվել է հաշիվ ապրանքագրերում: Այսինքն՝ «Աշտարակ կաթ»-ից ստացված ապարնքի համար խանութների սեփականատերերը վճարումներ կատարել են առաքիչների միջոցով:
Հիմա «Աշտարակ կաթ»-ի գործը գտնվում է սնանկության դատարանում, իսկ սնանկության հանձնաժողովը խանութների սեփականատերերին դատի է տալիս՝ նշելով, որ նրանց կատարած վճարումները հիմնավորող որևէ փաստաթուղթ չկա:
Կառավարության մոտ գտնվող գործարարները Factor.am-ին փոխանցեցին, որ խոսքը երկու միլիարդ դրամի մասին է, և իրենք հրաժարվում են վճարել երկրորդ անգամ: Նրանք խնդիրը բարձրաձայնել են Կառավարությունում, ԱԺ-ում, Գլխավոր դատախազությունում, բայց նշում են, որ որևէ աջակցություն չեն ստանում: Նրանք պատրաստվում են Կառավարության հաջորդ նիստի օրը կրկին իրենց խնդիրը բարձրաձայնել:
Մանրամասները՝ տեսանյութում:
Նարեկ Կիրակոսյան
