07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Գյումրիում աղբամանի մեջ կրկին նռնակ է հայտնաբերվել
28.08.2019 | 18:30
Օգոստոսի 28-ին ժամը 13:32-ին «911» ծառայությունում ահազանգ է ստացվել, որ Գյումրում Գորկու փողոցում աղբամանի մեջ նռնակ է հայտնաբերվել, անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Գյումրու քաղաքապետարանի ենթակայության «Գյումրու կոմունալ ծառայություն» բյուջետային հիմնարկի տնօրեն Վարդգես Սամսոնյանը Factor.am-ի հետ զրույցում նշեց, որ այս անգամ ևս նռնակը հայտնաբերել է իրենց աշխատակիցը՝ աղբատարի վարորդը:
«Աղբամանում արկղների մոտ են հայտնաբերել: Աղբամանից հանել է պարկը, միջից ընկել է նռնակը: Մի քանի նռնակ է եղել կարծես։ Հիմա հետաքննություն է ընթանում, դեռ պարզ չէ՝ ուսումնակա՞ն է, թե՞ մարտական։ Փառք Աստծո, այս անգամ ոչ մեկը չի վնասվել, միանագամից ԱԻՆ, Ոստիկանություն հայտնեցինք, եկան, սկսեցին աշխատել»,- ասաց Վարդգես Սամսոնյանը։
Նշենք, որ սա երկրորդ դեպքն է, որ Գյումրիում աղբամանում նռնակ է հայտնաբերվում։ Նախորդ դեպքը տեղի է ունեցել մեկ ամիս առաջ: Աղբատարի վարորդ Արմեն Խանոյանը քաղաքի Կոշտոյան փողոցում աղբը հավաքելիս նռնակ էր գտել, որի պայթյունից հետևանքով վնասվածքներ էր ստացել։ Վիրահատության ժամանակ վարորդի ձեռքի երկու մատը հեռացրել են:
Էմմա Չոբանյան
