11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
«Հին սերնդի ՀԴՄ-ով աշխատող տնտեսվարողները չեն տուգանվի, նոր բացված ԱՁ-ների դեպքում՝ ՊԵԿ-ը չի խոչընդոտի տնտեսական հեղափոխությանը»․ Սիսակ Գաբրիելյան. ՏԵՍԱՆՅՈՒԹ
Տնտեսություն
27.08.2019 | 19:44
Եթե ՀԴՄ սարքերի տրամադրման այս խնդիրը որևէ կերպ չլուծվի, ՊԵԿ-ը չի կատարի որևէ քայլ, որը կխաթարի տնտեսական հեղափոխությանը։ Այս մասին այսօր՝ ՊԵԿ նախագահ Դավիթ Անանյանի հետ հանդիպման ավարտին Factor.am-ի հետ զրույցում նշեց ԱԺ «Իմ քայլը» խմբակցության պատգամավոր Սիսակ Գաբրիելյանը։
«Այս պահի դրությամբ 9 ընկերություն հայտ է ներկայացրել ՊԵԿ ՝ հսկիչ դրամարկղային մեքենա ներկրելու համար։ Դրանցից մեկը, ըստ պարոն Անանյանի, հասել է վերջնական փուլի, և եթե ամեն ինչ բարեհաջող ընթանա, կկատարեն վերջնական փորձարկումներն ու սեպտեմբերին կլինի ՀԴՄ-ների առաջին խմբաքանակը։ Այժմ նոր սերնդի ՀԴՄ ցանկացող 9300 տնտեսվարողի հայտ կա։ Դրանց մեծամասնությունն այն անհատներն են, որոնք ունեն հին սերնդի ՀԴՄ-ներ։ Պարոն Անանյանը հավաստիացրեց, որ որևէ վարչարարություն չի կիրառվի այն տնտեսվարողների նկատմամբ, որոնք այժմ հին սերնդի ՀԴՄ-ներով են աշխատում՝ քանի դեռ այդ 9 ընկերությունը ՀԴՄ ՊՈԱԿ-ից չի ստացել ՀԴՄ-ների անհրաժեշտ խմբաքանակը»,- ընդգծեց պատգամավորը։
Հարցին, թե ի՞նչ կլինի այն տնտեսվարողների հետ, որոնք նոր են սկսել իրենց գործունեությունը և դեռ ՀԴՄ սարք չունեն, Սիսակ Գաբրիելյանը նշեց․ «Հարկային մարմինը պետք է վերահսկողություն անի։ ՊԵԿ-ը, բնականաբար, չի կարող օրենքը շրջանցել։ Լիահույս եմ, որ մինչև հարցն այդ տնտեսվարողներին հասնի, այս խնդիրն արդեն լուծված կլինի»։
Մանրամասները՝ տեսանյութում:
Նելլի Մելքոնյան
