12.11.2024 | 23:27
Գրետա Թունբերգը ժամանել է Հայաստան
Աբխազիայի նախագահական ընտրություններում երկրորդ փուլ է նշանակվել
Քաղաքականություն
26.08.2019 | 12:08
Կիրակի անցկացված Աբխազիայի նախագահական ընտրություններում, նախնական տվյալներով, թեկնածուներից ոչ ոք չի կարողացել անհրաժեշտ թվով ձայներ հավաքել՝ առաջին փուլով հաղթելու համար: Այս մասին «Ինտերֆաքս»-ին ասել է հանրապետության Կենտրոնական ընտրական հանձնաժողովի ղեկավար Թամազ Գոգիան:
Նրա խոսքով՝ առաջին փուլով քվեարկության նախնական արդյունքներն ու երկրորդ փուլ անցած թեկնածուների անունները ԿԸՀ-ն կհրապարակի ավելի ուշ:
ԿԸՀ-ի տվյալներով՝ գործող նախագահ Ռաուլ Խաջիմբան հավաքել է 26.6% ձայն, ընդդիմադիր Ալխաս Կվիցինիան՝ 24.6%, գործող նախագահի խորհրդական, նախագահի թեկնածու Օլեգ Արշբան՝ 24.9% ձայն:
Ալխաս Կվիցինիայի նախընտրական շտաբի ղեկավարի խոսքով՝ քվեների վերջնահաշվարկի դեպքում խնդիր կարող է առաջանալ 4 հազար քվեաթերթիկի հետ կապված, որոնք տարբեր պատճառներով անվավեր են ճանաչվել:
ԿԸՀ-ն հայտնել է, որ ընտրատեղամասերը փակվելու ժամանակ ընտրողների մասնակցության թիվը կազմել է 56%, ինչը նշանակում է նախագահական ընտրություններն Աբխազիայում կայացել են:
Հաղթող է համարվում ընտրություններին մասնակցած քաղաքացիների կեսից ավելիի ձայնը ստացած թեկնածուն: Հակառակ պարագայում, երկու շաբաթ անց ընտրությունների երկրորդ փուլ է անցկացվում, որին մասնակցում են առավելագույն ձայներ ստացած երկու թեկնածուներ:
