07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Հոկտեմբերի 28-ին Ստեփանակերտում տեղի կունենա կոմպոզիտոր Ռոբերտ Ամիրխանյանի հոբելյանական երեկոն
Հասարակություն
23.08.2019 | 16:28
ԱՀ մշակույթի, երիտասարդության հարցերի և զբոսաշրջության նախարարության նախաձեռնությամբ հոկտեմբերի 28-ին Ստեփանակերտում տեղի կունենա կոմպոզիտոր Ռոբերտ Ամիրխանյանի «Այստեղ Հայաստանն է» խորագրով համերգային երեկոն՝ նվիրված իր 80-ամյա հոբելյանին:
ԱՀ նախագահ Բակո Սահակյանի հետ հանդիպումից հետո այս մասին այսօր «Արցախպրես»-ի թղթակցի հետ զրույցում ասել է կոմպոզիտոր Ռոբերտ Ամիրխանյանը:
Կոմպոզիտորի խոսքով՝ ինքն Արցախում բացահայտել է շնորհաշատ մի շարք մեներգիչների, ովքեր կատրումներով հանդես կգան իր հոբելյանական երեկոյին:
«Արցախում կայանալիք համերգային երեկոյի ընթացքում կհնչեն «Հեյ Արցախ» վերնագրով նոր երգը, ինչպես նաև Սայաթ-Նովայի անավան երաժշտական ուսումնարանի համար գրված հիմներգի պրեմիերան»,-տեղեկացրել է Ռ. Ամիրխանյանը:
Ըստ մեր զրուցակցի՝ Արցախի պետական ջազ նվագախմբի (ղեկավար՝ Տիգրան Լալայան) նախաձեռնությամբ նոյեմբերի 23-ին Երևանի ֆիլհարմոնիայի մեծ դահլիճում ևս նախատեսվում է կազմակերպել հոբելյանական երեկո, որին ինքը մեծ ոգևորությամբ է սպասում:
