25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Հատուկ ջանքեր պետք է ներդնենք, որպեսզի բնությանը վնաս չտանք. Արմեն Սարգսյանը՝ Ամուլսարի շուրջ ստեղծված խնդրի մասին
Տնտեսություն
22.08.2019 | 18:06
Ամուլսարի շահագործման շուրջ ծավալվող իրադարձությունների շուրջ Factor.am-ը ՀՀ նախագահի աշխատակազմից խնդրել էր նախագահ Արմեն Սարգսյանի դիրքորոշումը: Նախագահի աշատակազմի հասարակայնության հետ կապերի վարչությունից փոխանցել են հետեւյալ պատասխանը.
«Հանրապետության նախագահ Արմեն Սարգսյանը հետևողականորեն հանդես է գալիս այն քաղաքական որոշումների ընդունման օգտին, որոնք բխում են հայկական պետականության ամրապնդման և մեր ազգային շահերից։ Թեև Սահմանադրությամբ նախագահը իրավասու չէ միջամտել իշխանության մյուս մարմինների աշխատանքին, սակայն մշտապես պատրաստակամ է համազգային և համապետական կարեւորություն ունեցող հարցերի դեպքում օգտակար լինել իր փորձառությամբ ու խորհուրդներով։ Միևնույն ժամանակ ցանկանում ենք հիշեցնել, որ վերջերս Լոռու մարզ այցելության ժամանակ, կարևորելով բնապահպանության խնդիրը, Հանրապետության նախագահը մասնավորապես նշել էր.
«Հատուկ ջանքեր պետք է ներդնենք, որպեսզի բնությանը վնաս չտանք։ Պետք է հստակ ծրագիր ունենանք, թե ինչ ենք անում՝ և՛ բնապահպանության, և՛ տնտեսության, և՛ զարգացման, և՛ զբոսաշրջության ոլորտներում»»։
Նարեկ Կիրակոսյան
