09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մարտի 1-ի դեպքերի և այլ խնդիրների գնահատման ամբողջ բեռը դնում են պատմաբանների վրա․ Աշոտ Մելքոնյան․ ՏԵՍԱՆՅՈՒԹ
Հասարակություն
20.08.2019 | 13:26
Մեր հրատարակած դասագրքերում պատմությունը 1991 թվականի դեպքերով ավարտել ենք: Հայոց պատմության վերաշարադրման անհրաժեշտությանը նվիրված քննարկման ժամանակ այս մասին ասաց ՀՀ ԳԱԱ Պատմության ինստիտուտի տնօրեն Աշոտ Մելքոնյանը:
«Ակադեմիական շարադրանք ներկայացնելու տեսանկյունից այդ շրջանը դեռ պատմություն չի դարձել և, բնականաբար, գնահատականները կարող են լինել քաղաքագիտական, հրապարակախոսական, լրատվական բնույթի: Դրա համար այդ ժամանակաշրջանի պատմությունը գիտական առումով ակադեմիական հատորներում չենք շարադրել»,- ասաց պատմաբանը:
Դպրոցական դասագրքի հետ կապված Աշոտ Մելքոնյանն ասաց՝ Հայաստանում ապրող պատանին, երիտասարդը պարտավոր են իմանալ, թե ինչպես է կյանքի կոչվել Հայաստանի երրորդ Հանրապետությունը, ինչպես է մեր ժողովուրդը Լեռնային Ղարաբաղում հաղթանակ տարել, և այս հաղթանակների պատմությունը շրջանցել հնարավոր չէ:
Ինչ վերաբերում է նորագույն շրջանի հասարակական-քաղաքական կյանքին, ըստ մասնագետի՝ այդ հատվածը բավական նորովի է շարադրվել:
«Գիտեք՝ ինչն է հետաքրքրական. և՛ Մարտի 1-ի դեպքերի հետ կապված, և ընդհանրապես հասարակական-քաղաքական կյանքին վերաբերող շատ ու շատ խնդիրներ Քննչական մարմինը և քաղաքական շրջանակները չեն կարողացել գնահատական տալ, այդ ամբողջ բեռը դնում են պատմաբանների վրա, որ պատմաբաններ՝ դուք որոշեք, թե Մարտի 1-ին իրականում ինչ է տեղի ունեցել»,- հավելեց Աշոտ Մելքոնյանը:
Մանրամասները՝ տեսանյութում:
