09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Նիկոլ Փաշինյանը Լոս Անջելես կմեկնի Անկախության օրվա տոնական միջոցառումներից հետո
Քաղաքականություն
16.08.2019 | 13:49
Վարչապետ Նիկոլ Փաշինյանը սեպտեմբերի 21-ին ԱՄՆ կմեկնի Անկախության օրվա տոնական միջոցառումներից հետո՝ օրվա երկրորդ կեսին:
Տեղեկությունը Factor.am-ին փոխանցեց վարչապետի մամուլի խոսնակ Վլադիմիր Կարապետյանը՝ պատասխանելով հարցին, թե արդյո՞ք Նիկոլ Փաշինյանը Անկախության օրը լինելու է Հայաստանում:
Հիշեցնենք, որ Նիկոլ Փաշինյանը տեղեկացրել էր, որ սեպտեմբերի 22-ին Լոս Անջելեսի Գրանդ Փարկում հանդես կգա ելույթով:
«Անցյալ տարի, ցավոք, երբ ԱՄՆ–ում էի, ժամանակի սղության պատճառով չկարողացա լինել Լոս Անջելեսում։ Եվ, ահա այս տարի սպասված հանդիպումն ի վերջո տեղի կունենա»,– ուղիղ եթերում ասել էր Փաշինյանը` հավելելով, որ հույս ունի այդ օրը ջերմ, հզոր հավաք անցկացնել։
Ավելի վաղ տեղեկացրել էինք, որ Անկախության տոնական միջոցառումներն այս տարի անցկացվելու է Գյումրիում:
Նարեկ Կիրակոսյան
