17.09.2026 | 23:38
Սամվել Կարապետյանի տնային կալանքը երկարաձգվել է
Անկախության 28-ամյակը պետական մակարդակով տոնելու են Գյումրիում
Քաղաքականություն
12.08.2019 | 18:12
Կառավարությունում որոշել են այս տարի Անկախության տոնը նշել Գյումրի քաղաքում: Այդ օրվա առթիվ պետական մակարդակով կազմակերպվող բոլոր միջոցառումները տեղի են ունենալու հենց Գյումրիում:
Այս մասին Factor.am-ին փոխանցեցին ՀՀ վարչապետի աշխատակազմից: Տեղեկացանք նաեւ, որ կառավարությունը որոշել է համապետական մասշտաբի տոներն այսուհետ նշել մարզերում: Սա տարածքների համաչափ զարգացման խրախուսմանը միտված քայլ է:
Factor.am-ին հայտնի դարձավ, որ բարձրաստիճան պաշտոնյաներից շատերն արդեն իրենց համար հյուրանոցային համարներ են ամրագրում Գյումրիում: Սրան զուգահեռ էլ Գյումրու քաղաքապետարանն էր մի քանի օր առաջ հայտարարություն տարածել՝ խնդրելով գյումրեցիներին վարձով տրվող տների եւ բնակարանների մասին տեղեկություններ տրամադրել քաղաքապետարանին: Հիշեցնենք, որ այս տարի նշվելու է ՀՀ Անկախության 28-ամյակը:
Նարեկ Կիրակոսյան
