02.09.2026 | 12:45
Ռուսական զորքերը հարվածել են Օդեսային. բնակելի շենք է վնասվել, կան տուժածներ
Ինձ վրա որևէ պատասխանատվություն չկա՝ Ստամբուլյան կոնվենցիան ամեն կերպ վավերացնելու. Ռուստամ Բադասյան
Հասարակություն
15.08.2019 | 13:39
Ինձ վրա որևէ պատասխանատվություն չկա՝ Ստամբուլյան կոնվենցիան ամեն կերպ վավերացնելու: Այս մասին լրագրողների հետ ճեպազրույցում ասաց ՀՀ արդարադատության նախարար Ռուստամ Բադասյանը: Նա նաև չհամաձայնեց դիտարկմանը, որ «Իմ քայլը» խմբակցության պատգամավորները դեմ են կոնվենցիայի վավերացմանը:
«Որտե՞ղ եք տեսել, որ պատգամավորների մեծ մասը դեմ լինի: Ես որևէ բան չգիտեմ: Գիտեմ, որ քննարկումները շարունակում ենք: Ինձ վրա որևէ պատասխանատվություն չկա՝ Ստամբուլյան կոնվենցիան ամեն կերպ վավերացնելու: Իմ նշանակումը բոլորդ գիտեք՝ երբ է եղել: Դեռևս հունվարից Կառավարության գործողությունների ծրագրով նախատեսված միջոցառում է, որը համընկել է իմ նշանակումից հետո»,- ասաց նախարարը:
Հարցին՝ արդյո՞ք իր առաջ նման խնդիր դրված չէ՝ հրաժարական տալ կոնվենցիայի վավերացման ձախողման դեպքում, Բադասյանը պատասխանեց. «Ինչի՞ պիտի հրաժարական տամ չվավերացման դեպքում»:
Factor.am-ն ավելի վաղ գրել էր, որ նախարարն այս հարցի շուրջ քննարկում է ունեցել ԱԺ «Իմ քայլը» խմբակցության պատգամավորների, ԱԺ նախագահի և փոխվարչապետ Տիգրան Ավինյանի հետ: «Իմ քայլից» Սոֆիա Հովսեփյանը միացել է «Ո՛չ Ստամբուլյան կոնվենցիային» շարժմանը, կոնվենցիայի վավերացմանը հրապարակավ դեմ են արտահայտվել նաև Վարազդատ Կարապետյանը և Թագուհի Թովմասյանը:
Նարեկ Կիրակոսյան
