17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
«Լիդիան Արմենիա» ընկերության տնօրենը՝ ՔԿ-ի կողմից հրապարակված եզրակացության մասին
Հասարակություն
15.08.2019 | 13:18
Երեկ Քննչական կոմիտեն հրապարակել է Ամուլսարի ոսկեբեր քվարցիտների հանքավայրի շահագործման հետ կապված՝ շրջակա միջավայրի աղտոտման մասին տեղեկությունները պաշտոնատար անձանց կողմից դիտավորությամբ թաքցնելու գործով փորձաքննության եզրակացությունը:
Factor.am-ի խնդրանքով «Լիդիան Արմենիա» ընկերության տնօրեն Հայկ Ալոյանը մեկնաբանեց Ամուլսարի հանքավայրի վերաբերյալ ELARD ընկերության փորձաքննության եզրակացությունը։
Factor.am – Ըստ Ձեզ, ի՞նչ է նշանակում փորձաքննության եզրակացությունը, արդյո՞ք ըստ ձեզ՝ միանշանակ է, որ «Լիդիան»-ը շահագործելու է Ամուլսարի հանքավայրը, արդյո՞ք փորձաքննության արդյունքը ընկերությունն իր համար շահավետ է համարում»։
«Լիդիան Արմենիա» ընկերության տնօրեն– Այժմ ընկերության մասնագետները մանրամասն վերլուծում են փորձաքննական եզրակացությունը։ Մենք վստահ ենք, որ Լիդիանի աշխատանքը լիովին համապատասխանում է միջազգային բոլոր չափանիշներին և ներպետական օրենսդրության պահանջներին, և դա արտացոլված է այս փաստաթղթում։ Ուրախ ենք, որ բավականին մանրակրկիտ հետազոտությունից հետո «էլարդ» ընկերության կողմից վերջապես ներկայացվեց եզրակացությունը։ Կարևոր է, որ վարույթն իրականացնող մարմինը գտել է, որ քրեական հետապնդման հիմքեր չկան քրեական գործով վարույթի հետագա շարունակման համար և գործը կկարճվի:
