09.10.2026 | 10:52
Սիսիանում 6-ամյա երեխային ապտակելու կասկածանքով ձերբակալվել է դասապատրաստող ուսուցչուհին
Ադրբեջանում հայտնված հայ զինծառայողի հարցով ԿԽՄԿ-ն գաղտնի երկկողմանի երկխոսության մեջ է
Հասարակություն
13.08.2019 | 13:38
Ադրբեջանում հայտնված զինծառայող Արայիկ Ղազարյանի հարցով Կարմիր Խաչի միջազգային կոմիտեն գաղտնի երկկողմանի երկխոսության մեջ համապատասխան մարմինների ներկայացուցիչների հետ:
Այս մասին Factor.am-ի հետ զրույցում ասացին Կարմիր Խաչի միջազգային կոմիտեից:
«Իր մանդատի շրջանակներում Կարմիր Խաչի միջազգային կոմիտեն այցելում է ազատազրկման մեջ գտնվող անձանց պահվելու պայմանները դիտարկելու, ինչպես նաև աջակցելու ընտանիքի հետ կապ հաստատելու հարցում։ Արայիկ Ղազարյանի հարցով կարող ենք այս պահի դրությամբ նշել, որ հաստատված է երկխոսություն համապատասխան մարմինների միջև․ այլ մանրամասներ չեն կարող հաղորդել»,- հայտնեցին ԿԽՄԿ-ի երևանյան գրասենյակից:
Նշենք, որ այսօր ավելի վաղ Պաշտպանության նախարար Դավիթ Տոնոյանը լրագրողների հետ զրույցում նշել էր, որ զինծառայող Արայիկ Ղազարյանի՝ Ադրբեջանում հայտնվելու հանգամանքները պարզելու համար հետաքննություն է իրականացվում:
Նախարարը համոզմունք էր հայտնել, որ Ադրբեջանում հայտնված զինծառայողն աշխարհագրորեն մոլորվել է:
Հիշեցնենք, որ ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից չպարզված հանգամանքերում մարտական դիրքը լքել էր զինծառայող, 2000թ. ծնված Արայիկ Հայկի Ղազարյանը:
