22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ղրղզստանի նախկին նախագահը ձերբակալվել է
Քաղաքականություն
07.08.2019 | 20:15
Ղրղզստանում իրավապահ մարմինների աշխատակիցներին կողմից ձերբակալվել է երկրի նախկին նախագահ Ալազբեկ Ատամբաևը։ Այս մասին հայտնում է ՏԱՍՍ գործակալությունը։
«Հատուկ նշանակության ջոկատայինները ձերբակալել են Ատամբաևին և նրան անհայտ ուղությամբ տարել։ Նրա տան մեջ հրաձգությունը դեռ շարունակվում է»,- հայտնել է նախկին նախագահի գրասենյակի ներկայացուցիչը։
Ատամբաևին ուժով ձերբակալելու օպերացիան մի քանի ժամ առաջ է սկսել։ Մայրաքաղաք Բիշքեկից ոչ հեռու գտնվող Քոյ-Թաշ գյուղում զինվորական համազգեստով անհայտ անձինք գրոհել են նրա առանձնատուն, ինչի արդյունքում ավելի քան 10 մարդ է վիրավորվել, այդ թվում՝ լրագրող և Ազգային ժողովի պատգամավոր։
ՏԱՍՍ-ի փոխանցմամբ՝ Ղրղզստանի նախկին նախագահի տան մոտ դեռ հավաքված են նրա կողմնակիցները։ Նրանց թիվը 500-ի է հասնում։ Ատամբաևի կողմնակիցները պատնեշներ են կազմել և փորձում են նրա տուն ներխուժել։
Նշենք, որ 2011-2017 թվականներին Ղրղըզստանը ղեկավարած Աթամբաևի դեմ պաշտոնավարման ժամկետի ավարտից հետո մի քանի քրեական գործ է հարուցվել՝ հիմնականում կոռուպցիոն հոդվածներով: Նախկին նախագահը, որհ անցել է ընդդիմադիր ճամբար, այս տարվա հունիսին զրկվել է անձեռնմխելիությունից, ինչը նշանակում է, որ նա ցանկացած պահի կարող է քրեական պատասխանատվության ենթարկվել:
Նելլի Մելքոնյան
