29.03.2026 | 22:16
Հրդեհ ավտոմեքենայում․ տուժածներ չկան
«Դատական համակարգն առողջացնելիս զգուշություն է պետք ցուցաբերել». Վիգեն Քոչարյան․ ՏԵՍԱՆՅՈՒԹ
Հասարակություն
07.08.2019 | 11:29
Դատաիրավական ոլորտում գուցե նաև օրենսդրական փոփոխությունների անհրաժեշտություն ունենք։
Այս մասին այսօր «ՄԻԵԴ-ի վճիռներն՝ ընդդեմ Հայաստանի. ի՞նչպես առողջացնել դատական համակարգը» թեմայով քննարկման ընթացքում նշեց Բարձրագույն դատական խորհրդի անդամ Վիգեն Քոչարյանը։
«Արդարադատության նախարարությունը ներկայումս աշխատում է նման մի նախագծի վրա։ Բարձրագույն դատական խորհուրդը նույնպես այդ քննարկումներին մասնակցում է, որպեսզի գործող Դատական օրենսգրքում այնպիսի փոփոխություններ նախատեսենք, որ ՄԻԵԴ համապատասխան որոշումները դառնան հիմք՝ կարգապահական վարույթ հարուցելու համար»,- նշեց Վիգեն Քոչարյանը։
ԲԴԽ անդամը ասաց, որ դատական համակարգի առողջացման հարցում պետք է շատ զգույշ և հավասարակռշված մոտեցում ցուցաբերել, քանի որ Հայաստանի դեմ կայացված ոչ բոլոր որոշումները պետք է ավտոմատ կերպով կարգապահական պատասխանատվություն առաջացնեն։
«Կարող են լինել դեպքեր, երբ իրավունքի խախտումն օբյեկտիբվ հիմքով է տեղի ունեցել․ օրինակ՝ օրենքն է ինչ-ինչ կարգավորումներ նախատեսել, որը հատագայում Մարդու իրավունքների եվրոպական կոնվենցիային հակասող է ճանաչվել։ Նման պարագայում դատավորը ոչ մի հնարավորություն չուներ այլ որոշում կամ վճիռ կայացնելու»,- ընդգծեց Վիգեն Քոչարյանը։
Մանրամասները՝ տեսանյութում․
Նելլի Մելքոնյան
