07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
ԱԱԾ-ից անհետացած փաստաթղթերը առնչվել են «Մարտի 1»-ին․ դրանց մեծ մասը վերականգնվել է․ Արթուր Վանեցյան․ ՏԵՍԱՆՅՈՒԹ
Հասարակություն
06.08.2019 | 21:59
Հեղափոխությունից առաջ Ազգային անվտանգության ծառայությունից փաստաթղթերի անհետացման հետ կապված իրականացվել է ծառայողական քննություն և փաստաթղթերի մեծ մասը վերականգնվել է․ «Դրանք փոխանցվել են Հատուկ քննչական ծառայություն և միացվել է Մարտի 1-ի գործի քննությանը։ Այս պահին ՀՔԾ քննիչները իրականացնում են աշխատանք»,- այսօր Ստեփանակերտում լրագրողների հետ զրույցում ասաց ԱԱԾ տնօրեն Արթուր Վանեցյանը։
Նա նշեց, որ դրանք հետաքրքիր բովանդակություն ունեցող փաստաթղթեր են եղել։ Լրագրողները պարոն Վանեցյանին խնդրեցին մեկնաբանել նաև վարչապետ Նիկոլ Փաշինյանի հայտարարությունը, ըստ որի՝ Հայաստանի հետախուզությունը 2050 թվականին պետք է աշխարհում լինի առաջատարներից․ «Ես համոզված եմ, որ այո, Հայաստանը ունենալու է լավագույն հետախուզություններից մեկը, որովհետև հայ ժողովուրդը հնարավորություն ունի իրականում ունենալ շատ լուրջ հետախուզություն։ Դեռևս քննարկվում է արտաքին հետախուզության ծառայություն ստեղծելու հարցը»։
Մանրամասները՝ տեսանյութում։
Ռոբերտ Անանյան
