07.05.2024 | 10:45
Ժիրայր Ոսկանյանի նկատմամբ Երևանի ակումբներից մեկում հանցավոր ոտնձգության դեպքի կապակցությամբ նախաձեռնվել է քրեական վարույթ
Մեղավորները միանշանակ կպատժվեն. ՊՆ խոսնակը՝ զինվորների համար նախատեսված միսը անթույլատրելի ձևով տեղափոխելու մասին
Հասարակություն
31.07.2019 | 16:30
ՀՀ պաշտպանության նախարարի մամուլի խոսնակ Արծրուն Հովհաննիսյանը ֆեյսբուքի իր էջում գրառում է կատարել՝ անդրադառնալով ՊՆ զինծառայողների համար սանիտարահիգիենիկ նորմերի խախտմամբ մսի տեղափոխմանը:
«Անթույլատրելի վիճակում, սանիտարահիգիենիկ նորմերի խախտմամբ մսի տեղափոխման հարցով ՀՀ պաշտպանության նախարարի կողմից նշանակվել է ծառայողական քննություն։ Մեղավորները միանշանակ կպատժվեն։ Նաև նման դեպքերից խուսափելու համար լավագույն լուծումն այն է, որ սննդի ապահովման կարգը փոխել է պետք, որը առաջարկում ենք»,- գրել է Հովհաննիսյանը:
Նշենք, որ մի քաղաքացի Shantnews-ին տրամադրել էր տեսանյութ` ահազանգելով ՊՆ զինծառայողների համար մսի տեղափոխման պայմանների մասին:
ՊՆ խոսնակը րոպեներ անց մեկ այլ գրառում էր արել սոցիալական ցանցի իր էջում՝ հրապարակելով զորամասերում սննդի նոր կարգը պատկերող մի լուսանկար:
