28.11.2024 | 23:27
Վրաստանում ցուցարարները շարժվում են դեպի խորհրդարան
Բոլթոնը հաստատել է, որ օգոստոսի 2-ին ԱՄՆ-ն դուրս կգա ՄՓՀՀՊ-ից
Քաղաքականություն
31.07.2019 | 12:08
ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը հաստատել է, որ միջին և փոքր հեռահարության հրթիռների ոչնչացման մասին պայմանագրից (ՄՓՀՀՊ) երկիրը դուրս կգա օգոստոսի 2-ին: Այս մասին գրում է ՌԻԱ Նովոստին:
Այս պայմանագիրը ստորագրվել է 1987 թվականին ԱՄՆ-ի և ԽՍՀՄ-ի միջև, որի իրավահաջորդը դարձել է Ռուսաստանի Դաշնությունը: Դրանից դուրս գալու մասին ԱՄՆ-ն պաշտոնապես հայտարարել էր կես տարի առաջ:
«Այս ուրբաթը կնշանավորվի պայմանագրի գործողության պաշտոնական դադարեցմամբ, քանի որ ԱՄՆ-ն դուրս կգա դրանից»,- Վաշինգտոնում հայտարարել է Բոլթոնը:
Նա կրկնել է Ռուսաստանին ուղղված մեղադրանքներն այն մասին, որ Մոսկվան խախտել է պայամանագիրը, ինչն է դրանից ԱՄՆ-ի դուրս գալու պատճառ է դարձել: Բոլթոնի խոսքով՝ Ռուսաստանը շարունակել է առաջատար բալիստիկ և գերձայնային համակարգեր մշակել՝ ի հեճուկս պայմանագրի՝ իր զինանոցն արդիականացնելու համար:
Նա նշել է, որ մեկ այլ խնդիր է եղել այն, որ Չինաստանը պայմանագրի կողմ չի եղել և հրթիռներ է մշակել, որոնք ԱՄՆ-ն չէր կարող մշակել՝ ՄՓՀՀՊ-ի պատճառով:
Այս տարեսկզբին Վաշինգտոնը հայտարարել էր պայմանագրից միակողմանի դուրս գալու մասին՝ Մոսկվային մեղադրելով այն խախտելու համար: ՌԴ-ն, սակայն, հերքում է բոլոր մեղադրանքները: Հուլիսի սկզբին ՌԴ նախագահ Վլադիմիր Պուտինը պայմանագիրի գործողությունը դադարեցնելու մասին օրենք է ստորագրել: Նա նշել է, որ Ռուսաստանը չի ներքաշվի սպառազինությունների ծախսատար մրցավազքի մեջ:
