04.02.2026 | 18:08
6 ամիս է՝ խաղաղության մեջ ենք, արագ ենք սովորում․ Ալիև․ ՏԵՍԱՆՅՈՒԹ
ԱՄՆ-ն առայժմ չի հստակեցրել Թուրքիայի դեմ պատժամիջոցների ժամկետը
Քաղաքականություն
26.07.2019 | 17:33
ԱՄՆ-ի պետքարտուղարության խոսնակ Մորգան Օրթագուսը լրագրողների հետ զրուցում հայտարարել է, որ առայժմ հստակեցված չէ, թե երբ է Վաշինգտոնը Թուրքիայի դեմ կիրառելու պատժամիջոցները. գրում է ermenihaber-ը:
«Թուրքիան ՆԱՏՕ-ի մեր դաշնակիցն է։ Մենք՝ որպես պետքարտուղարություն, աշխատում ենք պաշտպանել դիվանագիտության սկզբունքները և մեր կապերը Թուրքիայի հետ։ ՆԱՏՕ-ի դաշնակցի դեմ պատժամիջոց կիրառելը շատ լուրջ քայլ է։ Երբ պետքարտուղարը և նախագահը որոշում կկայացնեն, կհայտարարենք այդ մասին»,- ասել է ամերիկացի պաշտոնյան։
Անդրադառնալով Սիրիայում անվտանգության գոտի ստեղծելու հարցով Թուրքիայի և ԱՄՆ-ի միջև ընթացող բանակցություններին՝ Օրթագուսն ասել է, որ դա հեշտ հարց չէ, մանավանդ, որ Սիրիայի Մանբիչում, որը ներառվելու է անվտանգության գոտու մեջ, կան ամերիկյան զինված ստորաբաժանումներ։
Վերջերս Թուրքիայում էր գտնվում Սիրիայում ԱՄՆ-ի հատուկ ներկայացուցիչ Ջեյմս Ջեֆրին։ Թուրքական լրատվամիջոցները նախօրեին տեղեկացրել էին, որ Սիրիայում անվտանգության գոտու ստեղծվելու վերաբերյալ թուրք-ամերիկյան բանակցությունները հաջող չեն ընթացել և կողմերը համաձայնության չեն հասել։
