02.07.2026 | 19:21
Գագիկ Խաչատրյանի որդին և եղբորորդին կկալանավորվեն․ 200 մլն դրամ կիրառված գրավը դարձել է պետական եկամուտ
Եթե գործադիր իշխանությունը խոսում է հանցագործության մասին և ապացույց չի ներկայացնում՝ նրա խոսքն արժեզրկվում է. Ռուբեն Մելիքյան. ՏԵՍԱՆՅՈՒԹ
Հասարակություն
26.07.2019 | 13:03
Իրավապաշտպան Ռուբեն Մելիքյանն այսօր հրավիրված ասուլիսի ընթացքում անդրադարձավ վարչապետ Նիկոլ Փաշինյանի այն հայտարարությանը, թե ՀՀ-ում այլևս զանգելով արդարադատություն չի իրականացվում:
Մելիքյանի խոսքով` սա հանցագործության վերաբերյալ հայտարարություն է, որի վերաբերյալ, սակայն, փաստեր չեն ներկայացվում. «Եթե գործադիր իշխանությունը խոսում է հանցագործության մասին, սակայն փաստեր չի ներկայացնում՝ նրա խոսքն արժեզրկվում է: Կամ նման հայտարարություններն ընկալվում են որպես հասարակությանը դատական համակարգի նկատմամբ անվստահություն ներշնչելու փորձեր»:
Ռուբեն Մելիքյանն անդրադառնալով ԲԴԽ-ի կողմից Դավիթ Գրիգորյանի աշխատասենյակում կատարված խուզարկության վերաբերյալ որևէ հայտարարությամբ հանդես չգալուն, ասաց, որ ԲԴԽ-ն չի իրացրել դատավորի անկախությունն ապահովելու իր գործառույթը: Հարցին, թե արդյոք այդ խուզարկությունը քաղաքական ենթատեքստ ուներ, իրավապաշտպանն ասաց, բազում փաստեր կան, որոնք դա ակներև են դարձնում:
Մանրամասները` տեսանյութում:
Լիլիթ Շաբոյան
