16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
ԱՄՆ-ն փորձում է Վրաստանին բաժանել Ռուսաստանից. Լավրով
Քաղաքականություն
24.07.2019 | 14:17
Ռուսաստանի արտաքին գործերի նախարարի խոսքերով՝ ԱՄՆ-ն փորձում է Վրաստանին բաժանել Ռուսաստանից. գրում է aliq.ge-ն:
Ռուսաստանի արտգործնախարար Սերգեյ Լավրովը Russia Today հեռուստաալիքին տված հարցազրույցում ասել է, որ Ռուսաստանը երբեք չի ցանկացել վատ հարաբերություններ ունենալ Վրաստանի հետ: Նրա խոսքերով, Միխեիլ Սաակաշվիլին ընդհատեց բոլոր դիվանագիտական հարաբերությունները, փորձեց սահմանափակել տնտեսական փոխգործակցությունը, սակայն «էկոնոմիկան իրենն արեց»:
«Մեկ անգամ ևս կրկնում եմ, որ այս ամենը տեղի է ունենում, որովհետև մեր արևմտյան գործընկերները, առաջին հերթին ԱՄՆ-ն, փորձում են մեր հարևաններին բաժանել Ռուսաստանի Դաշնությունից», — ասել է Լավրովը՝ հիշեցնելով նաև 2008 թվականը:
Այն հարցին, թե արդյոք ԱՄՆ-ի համար կարող է օրինակելի լինել, որ Պուտինը պատժամիջոցներ չի կիրառել Վրաստանի նկատմամբ, Լավրովը պատասխանել է, թե դժվար է խոսել այդ մասին, քանի որ ԱՄՆ-ն յուրահատուկ երկիր է իր ավանդույթներով:
