04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
Իրանը Պարսից ծոցում նավագնացության անվտանգության գլխավոր գործոնն է. Ռոհանի
Քաղաքականություն
23.07.2019 | 12:56
ԻԻՀ նախագահ Հասան Ռոհանին հայտարարել է, որ Իրանը միշտ Պարսից ծոցում և Հորմուզի նեղուցում նավագնացության անվտանգության գլխավոր գործոնն է եղել: Ռոհանին այս մասին ասել է այցով Թեհրանում գտնվող Իրաքի վարչապետ Ադել Աբդուլ Մահդիի հետ հանդիպման ժամանակ, գրում է ԻՌՆԱ-ն:
Նա, միաժամանակ, ընդգծել է, որ Թեհրանը չի ցանկանում ուժեղացնել տարածաշրջանում լարվածությունը և երբեք պատերազմ չի սկսի:
Նշելով, որ տարածաշրջանում կայունությունն ու անվտանգությունը միշտ կարևոր են եղել Թեհրանի համար՝ Հասան Ռոհանին ասել է, որ Իրանն ու Իրաքը կարող են համագործակցել՝ դա ապահովելու համար:
«Բարեբախտաբար՝ վերջին տարիներին Թեհրանի և Բաղդադի միջև բազմակողմ համագործակցության զարգացմանն ուղղված կարևոր քայլեր են ձեռնարկվել, և դա, անկասկած, կշարունակվի»,- նշել է նա:
