09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
«Կանայք Հայաստանի ամենաչօգտագործված ներուժն են». Պյոտր Սվիտալսկի. ՏԵՍԱՆՅՈՒԹ
Հասարակություն
22.07.2019 | 12:55
Կանայք Հայաստանի ամենաչօգտագործված ներուժն են։ Ես բազմից հանդիպել եմ կանանց, որոնց հորդորել եմ ավելի մեծ ներգրավվածություն ունենալ քաղաքականության մեջ, բիզնեսում և այլ ոլորտներում։ Այս մասին այսօր Հայաստան-ԵՄ հարաբերություններին և ՀՀ-ում իր դիվանագիտական առաքելության ամփոփմանը նվիրված ասուլիսի ընթացքում նշեց Հայաստանում ԵՄ դեսպան Պյոտր Սվիտալսկին։
«Դեռ երկար ճամապարհ ունենք գնալու։ Կանայք քաղաքականության մեջ՝ Կառավարությունում, խորհդարանում շատ քիչ են ներկայացված, քիչ գյուղապետեր կամ քաղաքապետեր կան»,- ընդգծեց Սվիտալսկին։
Անդրադառնալով վերջին շրջանում ակտիվ քննարկվող Ստամբուլյան կոնվենցիայի վավերացմանը, Սվիտալսկին նշեց, որ այդ հարցի շուրջ Եվրամիությունն այս պահին համագործակցում է Հայաստանի կառավարության հետ։
«Ընտանեկան բռնության մասին օրենքն ընդունվել է և, գուցե կատարյալ չէ, բայց մեզ համար չափազանց կարևոր է այն իսկապես իրականացման հասցնելը։ Մենք միջոցներ ենք հատկացնում, որպեսզի այդ օրենքի դրույթներն իրականացվեն»,- նշեց Հայաստանում ԵՄ դեսպանը։
Մանրամասները՝ տեսանյութում:
Նելլի Մելքոնյան
