02.07.2026 | 12:30
Ալեն Սիմոնյանի ճեպազրույցը. ՈւՂԻՂ
«Իրենց օրենքից վեր դասող մարդկանց ժամանակն անցել է». Պյոտր Սվիտալսկի. ՏԵՍԱՆՅՈՒԹ
Հասարակություն
22.07.2019 | 11:47
Հայաստանի Կառավարության ամենակարևոր ձեռքբերումներից մեկն անպատժելիության մթնոլորտի վերացումն է։ Որոշ մարդիկ անցյալում կարծել են, որ օրենքից վեր են, սակայն այդ ժամանակն արդեն անցել է։ Կարծում եմ՝ Հայաստանի քաղաքացիների համար սա կարևոր է։ Այս մասին այսօր Հայաստան-ԵՄ հարաբերություններին և ՀՀ-ում իր դիվանագիտական առաքելության ամփոփմանը նվիրված ասուլիսի ընթացքում նշեց Հայաստանում ԵՄ դեսպան Պյոտր Սվիտալսկին։
«Այն, ինչ անցյալ տարի Հայաստանում տեղի ունեցավ, կարևոր երևույթ է, որի թողած ժառանգությունը պետք է պաշտպանել»,- նշեց ՀՀ-ում ԵՄ դեսպանը։
Նրա խոսքով՝ Հայաստանում ժողովրդավարությանն ուղղված քայլերից կարևորագույնը նախորդ տարվա դեկտեմբերին տեղի ունեցած արտահերթ Խորհրդարանական ընտրություններն են։
«Ժողովրդավարությունը միայն ընտրությունները չեն, բայց լավ ընտրություններն առաջին քայլն են։ Հայաստանը, վստահ եմ, վերջին ընտրություններով ժողովրդավարության զարգացման աննախադեպ մակարդակ է ապահովել։ Ամեն ինչ սկսվում է ընտրություններից և այդ առաջին քայլը դուք հաջողությամբ անցել եք, ինչի համար կարող եք հպարտանալ»,- ընդգծեց Սվիտալսկին։
Անդրադառնալով կոռուպցիայի դեմ պայքարին, ԵՄ դեսպանը նշեց, որ Հայաստանն այդ հարցում հստակ դիրքորոշում ու քաղաքական կամք է ցուցաբերել։
«Ամուր քաղաքական կամքն անհրաժեշտ պայման է, առանց որի կոռուպցիայի դեմ պայքարը հնարավոր չէ։ Այն պետք է պահպանել ինստիտուցիոնալ կառույցներում, օրենքերի և հանրության վերաբերմունքի միջոցով»,- հավելեց Սվիտալսկին։
Մանրամասները՝ տեսանյութում
Նելլի Մելքոնյան
