13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Զելենսկին հայտնել է Վիշինսկուն Սենցովի հետ փոխանակելու պատրաստակամության մասին
Քաղաքականություն
19.07.2019 | 15:59
Ուկրաինայի նախագահ Վլադիմիր Զելենսկին հայտարարել է ռուսական բանտում գտնվող ուկրաինացի ռեժիսոր Օլեգ Սենցովին Ուկրաինայում պահվող «»ՌԻԱ Նովոստի-Ուկրաինայի» նախկին գլխավոր խմբագիր Կիրիլ Վիշինսկու հետ փոխանակելու պատրաստակամության մասին: Այս մասին հաղորդում է «ՈՒՆԻԱՆ»-ը:
«Եթե մենք խոսում ենք բարի կամքի մասին և իսկապես ուզում ենք, որպեսզի առաջիկայում նման բան լինի, դա տեղի ունեցավ: Մենք պատրաստ ենք Վիշինսկուն փոխանակել Սենցովի հետ: Սա՝ որպես օրինակ: Մենք կցանկանայինք ստանալ մեր բոլոր քաղբանտարկյալներին, մեր բոլոր զինվորականներին»,- հայտարարել է Ուկրաինայի նախագահը:
Զելենսկին ընդգծել է, որ ազատ արձակումը պետք է տեղի ունենա միաժամանակ. «Եկեք մենք ձեզ տանք պարոն Վիշինսկուն, վերադարձրեք մեզ պարոն Սենցովին»:
Ավելի վաղ Վլադիմիր Զելենսկին ասել էր, որ Մոսկվայի և Կիևի հարաբերությունների կարգավորման առաջին քայլ կարող է դառնալ Ռուսաստանի կողմից ուկրաինացի 24 նավաստիների ազատ արձակումը: Այնուհետև ՌԴ նախագահի խոսնակ Դմիտրի Պեսկովը նշել էր, որ նման քայլ կարող է լինել Վիշինսկուն ՌԴ-ին վերադարձնելը:
