16.12.2025 | 15:36
Ճամբարակի համայնքապետին պատկանող ինքնակամ շինությունը պետք է քանդվի․ Դատախազությունը միջնորդագիր է ուղարկել
Կառավարությունը մերժեց «Լուսավոր Հայաստան»-ի ներկայացրած օրենսդրական նախաձեռնությունը
Քաղաքականություն
18.07.2019 | 12:34
Կառավարությունը հուլիսի 18-ի նիստում բացասական եզրակացություն տվեց «Լուսավոր Հայաստան» խմբակցության ներկայացրած օրենսդրական նախաձեռնությանը, որով առաջարկվում էր փոխհատուցել զինվորական ծառայության ընթացքում զինծառայողների կյանքին կամ առողջությանը պատճառված բոլոր վնասները, այդ թվում՝ ոչ մարտական գործողությունների ժամանակ ստացած վնասը:
Նախագծի հեղինակ ԱԺ «Լուսավոր Հայաստան» խմբակցությունն առաջարկում է օրենքի կարգավորման առարկան սահմանել մարտական գործողությունների հետևանքով կամ Հայաստանի Հանրապետության պաշտպանության ժամանակ, ներառյալ՝ Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցումը: Առաջարկվում է որպես օրենքի կիրառման դեպք, համարել նաև առողջական վիճակի վատթարացումը:
Պաշտպանության նախարարության կողմից տրված եզարակցության համաձայն՝ ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքով սահմանված «Հայաստանի Հանրապետության պաշտպանության ժամանակ» եզրույթն իր մեջ ներառում է նաև Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցումը, և այդ կապակցությամբ օրենքում հատուկ նշումը ճիշտ չէ ու անընդունելի է:
